మిస్టర్ బచ్చన్ తర్వాత డైరెక్టర్ హరీష్ శంకర్ పవర్ స్టార్ తో చేస్తున్న ఉస్తాద్ భగత్ సింగ్ ని పూర్తి చేయాలని అనుకున్నాడు. కానీ ఆ సినిమా ఇంకా టైం పట్టేలా ఉందని తెలిసి వేరే ప్రయత్నాలు చేస్తున్నట్టు తెలుస్తుంది. ఈ క్రమంలో హరీష్ శంకర్ ఇద్దరు హీరోలతో సినిమాలు చేసే ప్రయత్నాల్లో ఉన్నాడని టాక్. అందులో ఒకరు రామ్ కాగా మరొకరు బాలకృష్ణ అని తెలుస్తుంది.
రామ్, బాలయ్య ఇద్దరు హరీష్ శంకర్ తో సినిమాకు రెడీ అవుతున్నారు. ఐతే వీరిద్దరిలో ఎవరు ముందు ఎవరు తర్వాత అన్నది క్లారిటీ రావాల్సి ఉంది. ప్రస్తుతం రామ్ తన 22వ సినిమా చేస్తున్నాడు. ఈ సినిమా పూర్తి కాగానే నెక్స్ట్ హరీష్ శంకర్ తో సినిమా ఉంటుందని టాక్. మరోపక్క బాలయ్య అఖండ 2 సినిమా చేస్తున్నాడు. ఆ తర్వాత గోపీచంద్ మలినేని డైరెక్షన్ లో సినిమా లైన్ లో పెట్టాడు.ఈ సినిమాల తర్వాత హరీష్ శంకర్ సినిమా ఉంటుందని తెలుస్తుంది.
సో ముందు రామ్ ఆ తర్వాత బాలయ్య సినిమా ఉంటుందని తెలుస్తుంది. పవన్ కళ్యాణ్ హరి హర వీరమల్లు, ఓజీ సినిమాలను పూర్తి చేశాక హరీష్ శంకర్ కి టైం ఇచ్చే అవకాశం ఉంది. ఈలోగా ఒక సినిమా పూర్తి చేయాలని చూస్తున్నాడు. మరి మిస్టర్ బచ్చన్ తో నిరాశపరచిన ఈ డైరెక్టర్ నెక్స్ట్ సినిమాతో కంబ్యాక్ ఇస్తాడేమో చూడాలి.