రక్షిత్ శెట్టి ‘అతడే శ్రీమన్నారాయణ’ మూవీ రివ్యూ

నటీనటులు: రక్షిత్ శెట్టి, శాన్వి శ్రీవస్తవ
నిర్మాత:  ప్రకాష్ – పుష్కర మల్లికార్జున్
దర్శకత్వం: సచిన్ రవి
సినిమాటోగ్రఫీ:  కర్మ్  చావ్లా
మ్యూజిక్: చరణ్ రాజ్ – బి. అంజనీష్ లోక్ నాథ్
ఎడిటర్‌: సచిన్ రవి
విడుదల తేదీ: జనవరి 1, 2020

‘కిర్క్ పార్టీ’ తో కన్నడలో సెన్సేషన్ క్రియేట్ చేసిన ర‌క్షిత్ శెట్టి హీరోగా పుష్క‌ర్ ఫిలింస్ బ్యాన‌ర్‌పై పుష్క‌ర్ మ‌ల్లిఖార్జున‌, హెచ్‌.కె.ప్ర‌కాశ్ నిర్మించిన చిత్రం `అత‌డే శ్రీమ‌న్నారాయ‌ణ‌`. స‌చిన్ ద‌ర్శ‌కుడిగా ప‌రిచయం అవుతూ చేసిన ఈ మూవీని క‌న్న‌డ‌, తెలుగు, త‌మిళ‌, మ‌ల‌యాళ‌, హిందీ భాష‌ల్లో ప్యాన్ ఇండియా చిత్రంగా గ్రాండ్ లెవ‌ల్లో రిలీజ్ ప్లాం చేశారు. డిసెంబర్ 27న కన్నడలో రిలీజై విజయం అందుకున్న ఈ సినిమా జనవరి 1న ప్రేక్షకుల ముందుకు వచ్చింది. దిల్ రాజు విడుదల చేసిన ఈ సినిమా ఎలా ఉందో ఇప్పుడు చూద్దాం..

కథ: 

అనగనగా కొన్ని సంవత్సరాల క్రితం.. అమరావతి ప్రాంతంలో అధీరులు అనే ఒక దొంగల తెగకి చెందిన వారికి అధినేత రామరాజు(మధు సూధన్).. వీరు ఒక నిధిపైన కన్నేశారు అంటే అది వారే దొంగిలించాలి అలా కాదని ఎవరు దొంగిలించిన చంపేస్తారు. అలా వారు కన్నేసిన ప్రభుత్వ నిధిని అమరావతికి వచ్చిన ఓ నాటక మండలిలోని కొందరు దొంగతనం చేస్తారు. దానిని వేరే చోట దాచేస్తారు. రామరాజు వారిని చంపినా నిధి వివరాలు తెలియవు. రామ రాజు తదనంతరం తన వారసులు కూడా ఆ నిధి వేటలో 15 ఏళ్ళు గడిచిపోతాయి, కానీ నిధిని కనిపెట్టలేరు. అప్పుడే ఆ ఏరియా ఇన్స్పెక్టర్ అయిన శ్రీమన్నారాయణ(రక్షిత్ శెట్టి) అనుకోకుండా చేసిన ఓ తప్పు వలన అధీరుల కోసం ఆ ట్రెజర్ చేధించాల్సి వస్తుంది. శ్రీమన్నారాయణ ఎవరు? ఎందుకు అధీరుల ట్రాప్ లో ఇరుక్కున్నాడు? చివరికి నిధిని చేధించాడా? లేదా? 15 ఏళ్ళు వాళ్ళు కనుక్కోలేనిది శ్రీమన్నారాయణ ఎలా కనుక్కున్నాడు? ఆ నిధికి – అధీరులకి – శ్రీమన్నారాయణకి ఉన్న సంబంధం ఏమిటి? అనేదే కథ..

సీటీమార్ పాయింట్స్:

ఆన్ స్క్రీన్:

రక్షిత్ శెట్టి పెర్ఫార్మన్స్ అదరహో అని చెప్పుకోవాలి. తన పెర్ఫార్మన్స్ తో ఆడియన్స్ ని చాలా సీన్స్ లో కట్టి పడేస్తాడు. చాలా తెలివైన వాడు, అవసరాన్ని బట్టి ఎటైనా జంప్ అయ్యే పాత్రలో హావభావాలు అద్భుతంగా పలికించాడు. ‘పైరేట్స్ అఫ్ ది కరేబియన్’ సినిమాలోని జాక్ స్పారో(జానీ డీప్) పాత్ర స్పూర్తితో రక్షిత్ శెట్టి పాత్రని డైజిన్ చేశారు. అందుకే ఆ పాత్రకి చాలా అంటే చాలా దగ్గరా ఉంటుంది. శాన్వి స్క్రీన్ టైం తక్కువే అయినప్పటికీ ఉన్నంతలో బాగా చేసింది. మెయిన్ విలన్ గా చేసిన బాలాజీ మోహనన్ పెర్ఫార్మన్స్ అదరగొట్టాడు. చాలా సీన్స్ లో అందరికీ భయం కలిగించే రేంజ్ లో నటించాడు. సాఫ్ట్ కోర్ విలన్ గా ప్రమోద్ శెట్టి బాగా చేశారు. మధుసూదన్ రావు చేసింది ఒకటే సీన్ అయినా మస్త్ చేసాడు. మిగిలిన నటీనటులు వారి వారి పాత్రలకి న్యాయం చేశారు.

సినిమా పరంగా చూసుకుంటే.. సినిమా మొదలు పెట్టిన విధానం, పాత్రలని పరిచయం చేసిన తీరు, హీరో ఇంట్రడక్షన్ సీన్ అన్నీ అదిరిపోయాయి. ఫస్ట్ హాఫ్ మొదటి 40 నిమిషాలు సూపర్బ్ అనిపిస్తది. అలాగే ఇంటర్వల్ బ్లాక్, సెకండాఫ్ మొదటి 15 నిమిషాలు, నిధి కోసం హీరో సాల్వ్ చేసే పజిల్స్, క్లైమాక్స్ యాక్షన్ ఎపిసోడ్ బాగున్నాయి.

ఆఫ్ స్క్రీన్:  

రక్షిత్ శెట్టి అండ్ టీం ఓ ట్రెజర్ హంట్ మూవీ చెయ్యాలని ఎంచుకున్న లైన్, బ్యాక్ డ్రాప్ చాలా బాగుంది. అందులోనూ ముఖ్యంగా మన పురాణాల్లోని ‘సాగర మధనం’ అనే ఘట్టాన్ని వాడుకొని రాసుకున్న నిధి అన్వేషణ ప్రక్రియ హైలైట్. ముఖ్యంగా ప్రతి పాత్రని పురాణాల్లోని పాత్రలతో పోల్చి రాక్షస రాజ్యం పై గెలుపెప్పుడు నారాయణుడిదే అని చెప్పడం బాగుంది. ఇక కర్మ్ చావ్లా సినిమాటోగ్రఫీ ఓ అద్భుతమైన విజువల్ వండర్ అనచ్చు. వింటేజ్ ఫీల్ ని ఒక్క ఫ్రేమ్ లో కూడా మిస్ కాకుండా చూపిన విధానం సింప్లీ సూపర్బ్. చరణ్ రాజ్ – బి. అంజనీష్ లోక్ నాథ్ సాంగ్స్ బాగున్నాయి. అందులో ముఖ్యంగా అంజనీష్ లోక్ నాథ్ అందించిన నేపధ్య సంగీతం సినిమాని చాలా చోట్ల నిలబెట్టింది. కొన్ని సీన్స్ లో ఆడియన్స్ కి హై ఫీల్ ఇస్తుంది. సౌండ్ డిజైనింగ్ కూడా వండర్ఫుల్ అని చెప్పాలి. ఎడిటింగ్ టెక్నిక్ అదుర్స్. ఆర్ట్ వర్క్ అండ్ ప్రొడక్షన్ డిజైనింగ్ కూడా ఆటోప్ లెవల్లో ఉన్నాయి.

మైనస్ పాయింట్స్:

ఆన్ స్క్రీన్:

థియేటర్ కి వచ్చిన ఆడియన్స్ కి సినిమా ఆధ్యంతం ఎంగేజింగ్ గా ఉండాలి.. అలా లేకపోతే బోర్ ఫీలవుతారు, బయటకి వెళ్లి దమ్మేస్తారు.. అలాంటి లాగింగ్ సీన్స్ ఇందులో చాలానే ఉన్నాయి. మొదటి 40 నిమిషాల తర్వాత సినిమా చాలా స్లో అవుతుంది. అలాగే సెకండాఫ్ లో అక్కడక్కడా కొన్ని మోమెంట్స్ భలే ఉన్నాయి అనిపించినా ఎక్కువ భాగం ఏంటీ సాగదీత త్వరగా ఫినిష్ చేసేయండి అనే ఫీలింగ్ కలుగ జేస్తుంది. మరో బిగ్గెస్ట్ మైనస్ సినిమా లెంగ్త్, 3 గంటలా 6 నిమిషాలు.. బాగుంటే ఓకే, బోరింగ్ ఎక్కువ అవ్వడం వలన ఆడియన్స్ కి పొద్దునెప్పుడో వచ్చాం రాత్రవుతుంది మమ్మల్ని వదిలేయండి అని ఫీలవుతారు. ట్రెజర్ ట్రెజర్ అని చెప్పి ఎగ్జైట్ అయ్యేలా చేసి ఆ నిధి అన్వేషణని సప్పగా ఏం కిక్ లేకుండా చెప్పడం వలన సెకండాఫ్ చాలా వరకూ డిస్కనెక్ట్ అయిపోతుంది.

ఆఫ్ స్క్రీన్:  

రక్షిత్ శెట్టి ఎంచుకున్న స్టోరీ పాయింట్ బాగున్నా పూర్తి కథగా బెటర్ గా చేయలేదు. ముఖ్యంగా ట్రెజర్ హంట్ సినిమా అని ఆడియన్స్ ని కూర్చోబెట్టినప్పుడు వాళ్ళు నిధి అన్వేషణ, అందులో వచ్చే సమస్యలు, అవీ ఇవీ అని భారీగా ఆశిస్తారు. కానీ 3 గంటలపాటు నిధి కోసమే జరిగే ఈ కథలో నిధి అన్వేషణ ఆసక్తిగా లేకపోవడం బిగ్గెస్ట్ మైనస్. ఇక స్క్రీన్ ప్లే కూడా చాలా బోరింగ్ గానే రాసుకున్నారు. నేరేషన్ చాలా అంటే చాలా స్లో.. కొన్ని సింపుల్ గా చెప్పేయచ్చు అలా వదిలేసి సాగదీసి మరీ విడమరిచి చెప్పడం సాగదీతకి మెయిన్ రీజన్. ఈ సినిమాని 186 నిమిషాల్లో కాకుండా 126 నిమిషాల్లో చెప్పుంటే అందరినోటా ఫెంటాస్టిక్ అనిపించుకునేది. కానీ ఒక గంట ఎక్స్ట్రా లెంగ్త్ అనేది సినిమాని బిలో యావరేజ్ చేసేసింది.

డైరెక్టర్ గా సచిన్ రవి విజువలైజేషన్, మేకింగ్ అదిరింది. కానీ ఆధ్యంతం ప్రేక్షకులని కదలకుండా కూర్చోబెట్టి సినిమా చూపించగలిగాడా అనే లేదనే చెప్పాలి. చాలా చోట్ల బోర్ కొడుతోంది. సచిన్ ఎడిటర్ కూడా కాబట్టి కాస్త లెంగ్త్ విషయంలో కేర్ తీస్కొని ఉండాల్సింది.

విశ్లేషణ: 

‘కెజిఎఫ్’ తర్వాత కన్నడ ఫిల్మ్ ఇండస్ట్రీ యంగ్ టీం నుంచి వచ్చిన టెక్నికల్ మాస్టర్ పీస్ ఫిల్మ్ ‘ అతడే శ్రీమన్నారాయణ’. సినిమాగా అన్ని వర్గాల ప్రేక్షకులని మెప్పించలేకపోయినా టెక్నికల్ గా మాత్రం ఇండియన్ బెస్ట్ మేకింగ్ మూవీస్ లిస్ట్ లో చేరుతుంది. రక్షిత్ శెట్టి స్టోరీ లైన్, ఫెంటాస్టిక్ పెర్ఫార్మన్స్, ఫస్ట్ హాఫ్, సెకండాఫ్ లోని కొన్ని మోమెంట్స్ తో ఆకట్టుకుంటే స్లో నేరేషన్, బోరింగ్ సీన్స్, ఎంటర్ టైన్మెంట్ లేకపోవడం లాంటివి ప్రేక్షకులని డిజప్పాయింట్ చేస్తాయి. కొత్త సంవత్సరంలో సరికొత్త సినిమాలు చూడాలనుకునే అందరూ చూడదగిన సినిమా ”అతడే శ్రీమన్నారాయణ”.

ఫైనల్ పంచ్: అతడే శ్రీమన్నారాయణ – మాస్టర్ పీస్ మేకింగ్, బోరింగ్ నేరేషన్.!

తెలుగుబుల్లెటిన్.కామ్ రేటింగ్: 2.5/5