విలక్షణ మరియు వివాదాస్పద డైరెక్టర్ రామ్ గోపాల్ వర్మ దర్శకత్వంలో డా. రాజశేఖర్ చేసిన మొదటి హారర్ సినిమా ‘పట్ట పగలు’. 2014 లో విడుదలైన ఈ చిత్ర ట్రైలర్ కి మంచి రెస్పాన్స్ లభించింది. ఎప్పుడు రిలీజవుతుందా అని చూసిన ఆ సినిమా ఆ తర్వాత కనిపించలేదు. దాదాపు ఏడేళ్ల తర్వాత మళ్ళీ ఆ సినిమా బూజు విదిలించి, పట్ట పగలు టైటిల్ ని కాస్తా ‘దెయ్యం’గా మార్చి నేడు విడుదల చేసాడు ఆర్జీవీ. ట్రైలర్ తో కాస్త క్రేజ్ తెచ్చుకున్న ఈ సినిమా ఎంత వరకూ ప్రేక్షకుల్ని భయపెట్టిందో ఇప్పుడు చూద్దాం..
కథ:
మెకానిక్ అయిన శంకర్(రాజశేఖర్)కి తన కుమార్తె విజ్జి(స్వాతి దీక్షిత్) అంటే చాలా ఇష్టం. శంకర్ ఎంతో గారాబంగా పెంచుకునే విజ్జి కి కూడా కాలేజ్, ఇల్లు ప్రపంచంగా ఉంటుంది. కానీ సడన్ గా విజ్జి ప్రవర్తనలో మార్పు వస్తుంది, తన విచిత్రమైన చేష్టలతో విజ్జి ఇంట్లో వాళ్ళని, చుట్టూ ప్రక్కల కాలనీ వాళ్ళని భయానికి గురి చేస్తుంది. దాంతో శంకర్ ఎక్కడెక్కడో చూపించగా ఫైనల్లీ విజ్జికి దెయ్యం పట్టిందని ఒక నిర్దారణకు వస్తారు. ఇంతకీ విజ్జిని ఆవహించింది ఎవరు? విజ్జిని సెలక్ట్ చేసుకోవడానికి రీజన్ ఏంటి? తన కూతురిలో ఉన్న దెయ్యాన్ని వెళ్లగొట్టడానికి శంకర్ ఎన్ని ఇబ్బందులు పడ్డాడు? చివరికి శంకర్ కి తన కూతురు దక్కిందా? లేదా? అన్న ప్రశ్నలకి సమాధానం తెలియాలంటే దెయ్యం చూడాల్సిందే.
తెరమీద స్టార్స్..
నటన పరంగా ప్రధాన హైలైట్ స్వాతి దీక్షిత్ అని చెప్పాలి. దెయ్యం పట్టిన పాత్రలో ప్రేక్షకులను తన నటనతో భయపెట్టగలిగింది. తనకి ఇచ్చిన పాత్రకి పూర్తి న్యాయం చేసింది. తండ్రి పాత్రలో రియలిస్టిక్ పెర్ఫార్మన్స్ తో రాజశేఖర్ కూడా ఆకట్టుకున్నాడు. ఎమోషనల్ సీన్స్ కూడా బాగా చేశారు కానీ ఇక్కడ సమస్య ఏంటంటే రాజశేఖర్ కి చెప్పిన డబ్బింగ్ వాయిస్ అసలు సెట్ కాలేదు. ఒక్క రాజశేఖర్ కి మాత్రమే కాదు తెలుగు ప్రేక్షకులకు పరిచయం ఉన్న తనికెళ్ళ భరణి, బెనర్జీ, అనంత్, సన తదితర నటులది కూడా సొంత డబ్బింగ్ కాకపోవడంతో ఆ పాత్రలకి కనెక్ట్ కాలేకపోతాము. దాంతో చాలా చోట్ల కథకి డిస్కనెక్ట్ అవుతాం.
తెర వెనుక టాలెంట్..
ఏడాది గడిస్తేనే ఆ కథ – కథనాలు పాతవి అయిపోతున్న తరుణంలో దాదాపు ఏడేళ్ల క్రితం సినిమా అంటే చూడటానికి ఎంత పాతగా అనిపించి ఉంటుందో ప్రత్యేకంగా చెప్పనక్కర్లేదు. ఇక ఆర్జీవీ తన హారర్ హిట్ ఫిలిమ్స్ లోని సీన్స్ ని మళ్ళీ రీక్రియెట్ చేయడానికి ట్రై చేశారే తప్ప కొత్తగా ఏమీ చెప్పలేదు. ఒక్క మాటలో చెప్పాలంటే ఆర్జీవీ నుంచి వచ్చిన మరో డిజప్పాయింట్ మెంట్ ఫిల్మ్ దెయ్యం. థియేటర్స్ ఖాళీగా ఉన్నాయి కదా అని ఆర్జీవీ పేరుని క్యాష్ చేసుకుందామని పోస్ట్ ప్రొడక్షన్ దశలో ఆగిపోయిన దాన్ని ఫినిష్ చేసి రిలీజ్ చేశారు నట్టి కుమార్. తప్పులేదు కానీ మినిమమ్ క్వాలిటీ మైంటైన్ చేయాలి కదా.. డబ్బింగ్ విషయంలో ఒక డబ్బింగ్ ఆర్టిస్ట్ తో వేరియేషన్ లేకుండా ముగ్గురు నలుగురికి చెప్పించారు, పైగా వాయిస్ సింక్ కూడా సరిగా లేదు. అందరి వాయిస్ లు ఒకేలా ఉండడం చాలా చిరాగ్గా అనిపిస్తుంది.
అలాగే హారర్ సినిమాకి కీలకమైన సౌండ్ మిక్సింగ్ అనేది కూడా వెరీ బ్యాడ్. సతీష్ ముత్యాల విజువల్స్ తో అక్కడక్కడా హర్రర్ ఫీల్ ని కలుగజేసే ప్రయత్నం చేసినా, డి.ఎస్.ఆర్ నేపధ్య సంగీతం మరియు సౌండ్ మిక్సింగ్ లు సరిగా లేకపోవడంతో ఏంట్రా ఇది, యూట్యూబ్ లోనే దీనికన్నా బెటర్ క్వాలిటీ కనపడుతుంది కదా అనే ఫీలింగ్ వస్తుంది. నిర్మాతగా నట్టి కుమార్ థియేటర్స్ దొరుకుతున్నాయని ఎలాగోలా రిలీజ్ చేసేసి నాలుగు పైసలు తెచ్చుకోవాలని ఆలోచించారే తప్ప, కంటెంట్ బాలేకపోతే ఆ నాలుగు కాదు రెండు పైసలు కూడా రావనే లాజిక్ ని మిస్ అయ్యారు.
విజిల్ మోమెంట్స్:
– స్వాతి దీక్షిత్ నటన
– రాజశేఖర్ హీరో అనే టాగ్
బోరింగ్ మోమెంట్స్:
– ఒకటా రెండా అన్నీ మైనస్ లే..
విశ్లేషణ:
కోవిడ్ సెకండ్ వేవ్ విస్తృతంగా ఉండడంతో ఇప్పటికే పలు పెద్ద సినిమాలు వాయిదా పడ్డాయి, థియేటర్స్ కొన్ని మూతపడ్డాయి. ఇలాంటి తరుణంలో ప్రేక్షకుల్లో కూడా థియేటర్ కి వెళ్ళాలా లేదా అనే అనుమానాలు తలెత్తుతున్న తరుణంలో వచ్చిన దెయ్యం సినిమా విషయంలో.. ఆర్జీవీ, రాజశేఖర్ పేర్లు ఆడియన్స్ ని అట్రాక్ట్ చేసే విషయాలు అయితే, దెయ్యం సినిమా థియేటర్ లో చూసి ఎంజాయ్ చేసే కంటెంట్ లేకపోవడం బిగ్గెస్ట్ మైనస్. కావున ఏడేళ్ల తర్వాత వచ్చిన ‘దెయ్యం’ సినిమా రిలీజ్ కాలేదనుకోవడమే బెటర్.
చూడాలా? వద్దా?: లైట్ తీస్కోవచ్చు.
తెలుగుబులెటిన్.కామ్ రేటింగ్ : 1.5/5
Lassen Sie uns einen Blick haben Sie einen Blick ein paar
der Fähigkeiten Mit diesem Poker handliche Fernbedienung anstatt Standard Computer-Maus.
Them both is possible in virtually any style of game which you would like to enjoy.
631624 449611hi, your internet site is great. I truly do numerous thanks for operate 330503
792267 808423I got what you intend, saved to my bookmarks , really decent site . 763508
492190 143324Housing a different movement in a genuine case or re-dialed model. 380949
516349 214154 You need to take part in a contest for one of the greatest blogs on the internet. I will recommend this web site! 801286