పాన్ ఇండియా స్టార్ ప్రభాస్ ఫ్యాన్స్ ఎంతగానో ఎదురు చూస్తున్న ది రాజాసాబ్ మూవీ రిలీజ్ డేట్ వచ్చేసింది. చాలా సస్పెన్స్ ల తర్వాత మూవీని డిసెంబర్ 5న థియేటర్లో రిలీజ్ చేస్తున్నట్టు అధికారికంగా ప్రకటించారు. ఈ నెల 16న ఉదయం 10.52 నిముషాలకు టీజర్ ను రిలీజ్ చేస్తున్నట్టు ప్రకటించారు. మారుతి డైరెక్షన్ లో వస్తున్న ఈ సినిమాలో మాళవిక హీరోయిన్ గా చేస్తోంది. ప్రెస్టీజియస్ ప్రొడక్షన్ హౌస్ పీపుల్ మీడియా ఫ్యాక్టరీ కాంబినేషన్ లో టీజీ విశ్వప్రసాద్ నిర్మిస్తున్నారు.
ఇక రిలీజ్ డేట్ సందర్భంగా ప్రభాస్ పోస్టర్ ను కూడా వదిలారు. ఇందులో ప్రభాస్ డబ్బులతో నిండి ఉన్న గదిలో ఫెరోషియస్ గా కనిపించడం ఆసక్తి కలిగిస్తోంది. ప్రభాస్ ఇప్పటి వరకు చేయని రొమాంటిక్ హర్రర్ జానర్ లో చేస్తున్నారు. ఇప్పటికే వచ్చిన పోస్టర్ క్రేజ్ తెచ్చుకుంది. భారీ పాన్ ఇండియా సినిమాలు చేస్తున్న ప్రభాస్.. ఇలాంటి సినిమా చేయడంతో హైప్ పెరుగుతోంది. ప్రస్తుతానికి డబ్బింగ్ పనులు జరుగుతున్నట్టు తెలుస్తోంది. అతి త్వరలోనే మూవీ పోస్ట్ ప్రొడక్షన్ పనులు మొదలు పెడుతున్నారంట. ఇప్పటికే చాలా వరకు షూటింగ్ కూడా పూర్తయిపోయింది. మిగతా షూటింగ్ ను కూడా త్వరగా కంప్లీట్ చేయబోతున్నారు.