ప్రముఖ సంగీత దర్శకుడు ఎమ్ఎమ్ కీరవాణికి పద్మశ్రీ పురస్కారం ప్రకటించడంపై దర్శకుడు రాజమౌళి సంతోషం వ్యక్తం చేశారు. అన్నయ్యకు అవార్డు రావడంపట్ల ఆనందంగా ఉందని.. అయితే.. కొంచెం గ్యాప్ ఇవ్వు అని విశ్వంతో చెప్తాను అని ట్వీట్ చేశారు.
అందరూ భావించినట్టే అన్నయ్యకు ఈ గుర్తింపు ఎప్పుడో దక్కాలి. ప్రతి ఒక్కరి కష్టానికి తగిన గుర్తింపు ఎప్పుడో ఒకప్పుడు వస్తూంటుందని అన్నయ్య చెప్పిన మాటల్ని మర్చిపోను. నేను విశ్వంతో చెప్పగలిగితే.. ‘కొంచెం గ్యాప్ ఇవ్వమ్మా.. ఒకటి పూర్తిగా ఎంజాయ్ చేశాక మరొకటి ఇవ్వు. అప్పుడే ఈ విజయాల్ని పూర్తిగా ఆనందించగలుగుతామ’ని చెప్తాను అని అన్నారు.
కీరవాణి స్వరపరచిన నాటునాటు పాటకి గోల్డెన్ గ్లోబ్ అవార్డుతోపాటు.. బోస్టన్ సొసైటీ ఆఫ్ ఫిల్మ్ క్రిటిక్స్, క్రిటిక్స్ ఛాయిస్ మూవీ అవార్డు, లాస్ ఎంజెల్స్ ఫిల్మ్ క్రిటిక్స్ అసోసియేషన్ అవార్డులు దక్కించుకున్నారు. నాటునాటు పాటతో ఆస్కార్ నామినేషన్ కూడా పొందారు. ఈ పాట ఆస్కార్ అవార్డు దక్కించుకుంటే కీరవాణి ఖ్యాతి మరింత పెరుగుతుంది.
Like many of your fans feel, this recognition indeed was long over due.
But, as you say the universe has a strange way of rewarding one's efforts.
If I can talk back to universe, I would say
Konchem gap ivvamma. okati poorthigaa enjoy chesaaka inkoti ivvu. 🥰 pic.twitter.com/JSNnivpRNq— rajamouli ss (@ssrajamouli) January 26, 2023