Rajamouli: దర్శకధీరుడు రాజమౌళి (Rajamouli) చేసిన ఓ ట్వీట్ ప్రేక్షకుల్లో ఆసక్తి రేకెత్తిస్తోంది. భారతీయ సినిమాపై తెరకెక్కిస్తున్న బయోపిక్ ‘మేడ్ ఇన్ ఇండియా’ (Made in India) ను ఆయన సమర్పించనున్నారు. దీనిపై రాజమౌళి ట్వీట్ చేస్తూ.. ‘కథ విన్న వెంటనే భావోద్వేగానికి గురయ్యాను. బయోపిక్స్ తెరకెక్కించడం సవాళ్లతో పని. అటువంటిది భారతీయ సినిమాపై బయోపిక్ అనగానే ఆశ్చర్యం, ఆసక్తి కలిగాయి. చిత్ర యూనిట్ అందుకు సిద్ధంగా ఉంది. గొప్ప సినిమాను సమర్పిస్తున్నందుకు గర్వంగా ఉంద’ని అన్నారు.
ఆరు భాషల్లో తెరకెక్కబోయే సినిమాను ఎస్ఎస్ కార్తికేయ (SS Karthikeya) , వరుణ్ గుప్తా నిర్మిస్తూండగా నితిన్ కక్కర్ దర్శకత్వం వహిస్తున్నారు. భారతీయ సినిమా ఎలా పుట్టింది.. ఎలా ఎదిగింది అనే మూలకథతో సినిమా తెరకెక్కనుంది. రాజమౌళి నుంచి ఓ ట్వీట్ వస్తుందని తెలియడంతో మహేశ్ సినిమాపై అనే అనుకున్న వారికి రాజమౌళి ఈ ట్వీట్ తో బిగ్ సర్ ప్రైజ్ ఇచ్చారు. అయితే.. ఆయనో మంచి కాన్సెప్ట్ తో సినిమాను ప్రెజెంట్ చేయనుండడటం ఆసక్తి రేకెత్తించింది. ప్రస్తుతం మహేశ్ తో సినిమా చేయనున్నారు రాజమౌళి.
When I first heard the narration, it moved me emotionally like nothing else.
Making a biopic is tough in itself, but conceiving one about the FATHER OF INDIAN CINEMA is even more challenging. Our boys are ready and up for it..:)
With immense pride,
Presenting MADE IN INDIA… pic.twitter.com/nsd0F7nHAJ— rajamouli ss (@ssrajamouli) September 19, 2023