సూపర్ స్టార్ మహేష్ బాబుతో జక్కన్న రాజమౌళి… బాక్స్ ఆఫీస్ బద్దలైపోయే కాంబినేషన్ ఇది. నిజానికి బాహుబలి కంటే ముందే వీరిద్దరూ కలిసి పనిచేద్దామని భావించారు. సీనియర్ నిర్మాత కెఎల్ నారాయణ ఈ ప్రాజెక్ట్ ను నిర్మించడానికి కమిట్మెంట్ కూడా తీసుకున్నాడు. అయితే ఏళ్ళు గడుస్తున్నా ఈ ప్రాజెక్ట్ పై క్లారిటీ లేదు. అటు మహేష్ ను కానీ ఇటు రాజమౌళిని కానీ ప్రశ్నిస్తున్నా త్వరలోనే పనిచేస్తాం అని చెబుతున్నారు తప్ప ప్రాజెక్ట్ మాత్రం సెట్టవ్వట్లేదు. ఈలోగా రాజమౌళి బాహుబలి సినిమాతో బిజీ అయిపోయాడు. మహేష్ బాబు తనకున్న చిత్రాలతో బిజీ బిజీ. పోనీ బాహుబలి తర్వాతైనా రాజమౌళి మహేష్ తో పనిచేస్తాడని ఆశించారు మహేష్ అభిమానులు. అయితే ఆ తరహా ప్రయత్నాలేవీ జరగలేదు.
బాహుబలి తర్వాత రాజమౌళి రామ్ చరణ్, ఎన్టీఆర్ హీరోలుగా ఆర్ ఆర్ ఆర్ ప్రాజెక్ట్ ను తెరకెక్కిస్తున్నాడు. ఈ సినిమా షూటింగ్ దాదాపు 80 శాతం పూర్తయింది. ప్రస్తుతం లాక్ డౌన్ కారణంగా షూటింగ్ ఆగిపోయింది కానీ లేదంటే ఈపాటికి మెజారిటీ షూటింగ్ పూర్తయ్యేది. ప్రస్తుతం లాక్ డౌన్ కారణంగా ఆర్ ఆర్ ఆర్ పోస్ట్ ప్రొడక్షన్ కార్యక్రమాలను సాంకేతిక నిపుణులు ఇంటి వద్ద నుండే పూర్తి చేస్తున్నారు.
ఇదిలా ఉంటే కొద్దిసేపటి క్రితం ఒక టివి ఛానల్ కు ఇంటర్వ్యూ ఇచ్చిన రాజమౌళి ఆసక్తికర విశేషాలను తెలియజేసారు. తన తర్వాతి సినిమాపై క్లారిటీ కూడా ఇచ్చారు. “ఇందులో కన్ఫ్యూజన్ ఏముందో నాకర్ధం కావడం లేదు. కెఎల్ నారాయణ గారితో మహేష్ గారితో నా తర్వాతి చిత్రముంటుందని ఎప్పటినుండో చెబుతున్నా. దాని ప్రకారమే ఆర్ ఆర్ ఆర్ తర్వాత అనౌన్స్మెంట్ జరుగుతుంది” అని క్లారిటీ ఇచ్చాడు జక్కన్న.
4627 932760You may find two to three new levels inside L . a . Weight loss and any 1 someone is extremely important. Initial stage might be real melting away rrn the body. shed weight 137813