వరుసగా 6 ప్లాప్స్ తో డిజాస్టర్స్ లో ఉన్న యంగ్ హీరో రాజ్ తరుణ్ ఈ సారి కంప్లీట్ ఎంటర్టైనర్ తో హిట్ కొట్టాలని చేసిన సినిమా ‘ఒరేయ్ బుజ్జిగా’. మాళవిక నాయర్ హీరోయిన్ గా, హేభ పటేల్ ముఖ్య పాత్రలో నటించిన ఈ సినిమాకి విజయ్ కుమార్ కొండ. మార్చ్ 25న థియేటర్స్ లో రిలీజ్ కావాల్సిన సినిమా కోవిడ్ పాండెమిక్ వలన ఆగిపోయింది. ఇప్పుడప్పుడే థియేటర్స్ తెరుచుకునే పరిస్థితులు లేనందు వలన డైరెక్ట్ గా ఓటిటి ప్లాట్ ఫామ్ ఆహా ద్వారా నేడు విడుదలైంది. మరి రాజ్ తరుణ్ కి హిట్ ఇచ్చేలా సినిమా ఉందా లేదా అనేది ఇప్పుడు చూద్దాం..
కథ:
శ్రీను అలియాస్ బుజ్జి (రాజ్ తరుణ్) ఇంట్లో సెట్ చేసిన పెళ్లి సంబంధం నచ్చక తాను ప్రేమించిన అమ్మాయి సృజన(హేభ పటేల్)ని కలుసుకోవడానికి హైదరాబాద్ బయలు దేరుతాడు. అదే టైంలో అదే ఊరిలో ఉన్న కృష్ణవేణి(మాళవిక నాయర్) తన బావతో పెళ్లితో ఇష్టం లేక పారిపోతుంది. అలా ఇద్దరూ ఒకే ట్రైన్ ఎక్కుతారు. కానీ ఊరంతా ఇద్దరూ కలిసి లేచిపోయారు అని ఊరంతా పుకారు పుడుతుంది. ఆ పురాకు బుజ్జి మరియు కృష్ణవేణి లైఫ్ లో తీసుకొచ్చిన మార్పులు ఏమిటి? వాళ్ళ ఇద్దరూ ఎన్ని తిప్పలు పడ్డారు అనేదే మిగిలిన కథ..
తెర మీద స్టార్స్..
రాజ్ తరుణ్ ఎప్పటిలానే మంచి ఈజ్ తో నటించాడు. హీరోగా తన వంతు పాత్ర తాను పర్ఫెక్ట్ గా చేసాడు. పలు చోట్ల తన డైలాగ్ డెలివరీ కాస్త నవ్వు తెప్పిస్తుంది.. మాళవిక నాయర్ మొదటి సారి ఫుల్ ఫన్ ఉన్న పాత్రలో బాగానే చేసింది. చివర్లో ఎమోషనల్ గా కూడా ఆకట్టుకుంది. ఇక హేభ పటేల్ కి సినెమాలో పెద్ద ప్రాధాన్యత లేదు. ఏదో గ్లామర్ కోసం మాత్రమే సినిమాలో పెట్టారు. ఇక సప్తగిరి, సత్య, మధు లాంటి కమెడియన్స్ ఉన్నప్పటికీ వారు నవ్వించడంలో కంప్లీట్ గా ఫెయిల్ అయ్యారు. పవర్ఫుల్ లేడీ పాత్రలో వాణి విశ్వనాథ్ మరోసారి మెప్పించారు. సీనియర్ నటులైన నరేష్, పోసాని కృష్ణమురళిలు ఉన్నంతలో బాగానే చేశారు.
తెర వెనుక టాలెంట్..
సూటిగా సుత్తి లేకుండా మాట్లాడుకుంటే.. డైరెక్టర్ విజయ్ కుమార్ కొండ తనకి హిట్ ఇచ్చిన మొదటి సినిమా ‘గుండెజారి గల్లంతయ్యిందే’ కథని అటు తిప్పి ఇటు తిప్పి మళ్ళీ తీశారు.. అందులో కథ రొటీన్ అయినా కథనం, కామెడీ వర్కౌట్ అయ్యి సినిమా హిట్ అయ్యింది. కానీ ఇక్కడ అవేమీ వర్కౌట్ కాకపోవడంతో చాలా బోరింగ్ గా అనిపిస్తుంది. కథ, కథనం, డైరెక్షన్ ఇలా ఈ మూడు విషయాల్లోనూ కంప్లీట్ గా ఫెయిల్ అయ్యాడని చెప్పాలి.
అనూప్ రూబెన్స్ మ్యూజిక్ బాగుంది. కామెడీ లేకపోయినా తన మ్యూజిక్ తో ఫన్ తీసుకురావడానికి ట్రై చేసాడు, కానీ కంటెంట్ వీక్ గా ఉండడం వలన సేవ్ చేయలేకపోయాడు. ఆండ్రూ సినిమాటోగ్రఫీ మరియు టి. రాజ్ కుమార్ ఆర్ట్ వర్క్ కి ది బెస్ట్ అని చెప్పచ్చు. ప్రవీణ్ పూడి ఎడిటింగ్ లో చాలా లాగ్ అనిపిస్తుంది. ప్రొడక్షన్ వాల్యూస్ బాగున్నాయి. అలాగే ఓటిటి రిలీజ్ వలన నష్టాలు మిస్ అయ్యాయి.
విజిల్ మోమెంట్స్:
– నటీనటుల నటన
– సందర్భానుసారంగా వచ్చే ఒకటి రెండు కామెడీ సీన్స్
బోరింగ్ మోమెంట్స్:
– వర్కౌట్ కాని కామెడీ
– రొటీన్ కథ
– అంతా తెలిసిన కథనం
– ఎమోషన్ కనెక్ట్ కాలేదు
– బాబోయ్ అనిపించే రన్ టైం
– వీక్ డైరెక్షన్
విశ్లేషణ:
అవుట్ అండ్ అవుట్ ఫుల్ ఫన్ రైడ్ అని చెప్పుకుంటూ ప్రమోట్ చేసిన ‘ఒరేయ్ బుజ్జిగా’ సినిమా చూసాక రెస్పాన్స్ ఏంటంటే ‘మోస్ట్ బోరింగ్ రైడ్’ అనిపించడమే కాకుండా బోనస్ గా రెండున్నర గంటల పాటు టైం వేస్ట్ అయ్యిందనే ఫీలింగ్ కూడా పక్కాగా వస్తుంది. కావున మీ విలువైన సమయం వృధా చేసుకుంటారా? లేదా? అనేది మీ ఛాయస్. ఫైనల్ గా తెలుగు నుంచి రిలీజైన మరో ఓటిటి డిజప్పాయింటెడ్ మూవీ ‘ఒరేయ్ బుజ్జిగా’.
చూడాలా? వద్దా?: మీ విలువైన సమయాన్ని వృధా చేసుకొని, లేని బోరింగ్ ని తెచ్చుకోవాలంటే చూడచ్చు.
తెలుగుబులెటిన్.కామ్ రేటింగ్ : 1.5/5
108809 820870Flexibility indicates your space ought to get incremented with the improve in number of weblog users. 89224
506476 706806Hello! Good stuff, please maintain us posted when you post again something like that! 469021
730301 897760Hey! Do you use Twitter? Id like to follow you if that would be ok. Im certainly enjoying your weblog and appear forward to new updates. 477786