బాహుబలి మరియు సాహో ల తర్వాత ప్రభాస్ నటించిన సినిమా అవ్వడంతో సహజంగానే రాధేశ్యామ్ పై అంచనాలు భారీగా ఉన్నాయి. పైగా ఈ సినిమా మూడు వందల కోట్ల భారీ బడ్జెట్ తో రూపొందిన విజువల్ వండర్ మూవీ అంటూ ప్రచారం ఊదరగొట్టారు. ఒక అద్బుతమైన పెయింటింగ్ మాదిరిగా ఈ సినిమా ఉంటుంది అంటూ చిత్ర యూనిట్ సభ్యులు పదే పదే ప్రకటించడంతో ఈ సినిమాపై అంచనాలు భారీగా పెరిగాయి. మరి ఆ స్థాయిలో ఈ సినిమా ఉందా అనేది ఈ రివ్యూలో చూద్దాం.
కథ:
ఈ చిత్ర కథ 1976 సంవత్సరంలో సాగుతుంది. విక్రమాదిత్య (ప్రభాస్) ఇండియా లోనే అత్యంత ప్రముఖ హస్తసాముద్రికుడు. అతను ఇటలీ కి వెళ్ళిన సమయంలో ప్రేరణను చూస్తాడు. ఆమెతో పరిచయం అవుతుంది. ఆ పరిచయం కాస్తా ప్రేమగా మారుతుంది. ఇద్దరి మధ్య ప్రేమకు కొన్ని అవాంతరాలు ఎదురవుతాయి. ఆ అవాంతరాలు ఏంటి? వాటిని ఎలా ఎదిరించి ఇద్దరూ ఏకం అయ్యారు అనేది కథ.
నటీనటులు:
ప్రభాస్ చాలా సంవత్సరాల తర్వాత లవర్ బాయ్ గా కనిపించి మెప్పించాడు. విక్రమాదిత్య లుక్ లో అతడు చాలా స్టైలిష్ గా కనిపించి ఆకట్టుకున్నాడు. ప్రభాస్ నటన విషయంలో ఏమాత్రం తగ్గకుండా తన పాత్రకు పూర్తి న్యాయం చేశాడు. అయితే కథానుసారం విక్రమాదిత్య పాత్ర లో ప్రభాస్ కి ఎక్కువ సన్నివేశాల్లో నటించే స్కోప్ దక్కలేదు. ఇక ప్రేరణ పాత్రలో నటించిన పూజ హెగ్డే కూడా తన పాత్రకు పూర్తి న్యాయం చేసింది అనడంలో సందేహం లేదు. ఆమె లుక్స్ పరంగా మంచి మార్కులు సొంతం చేసుకుంది. ప్రభాస్ కి తరహాలోనే ఆమెకు కూడా ఎక్కువ సన్నివేశాలలో తన నటన ప్రతిభను కనబరిచే అవకాశం దక్కలేదు. ఇద్దరి మద్య కెమిస్ట్రీ పీక్స్ లో ఉన్న సన్నివేశాలు లేనే లేవు. కనుక వారికి ఆ ట్యాలెంట్ చూసించే అవకాశం రాలేదు. సినిమాల్లో ఇతర నటీనటులు వారి వారి పాత్రలకు తగ్గట్టుగా పర్వాలేదనిపించారు. సినిమాలో చాలా తక్కువ పాత్రలను దర్శకుడు చూపించాడు. కనుక ఎక్కువ వారి నటన గురించి చర్చించడానికి లేదు.
సాంకేతిక నిపుణులు:
దర్శకుడు రాధాకృష్ణ తాను అనుకున్న ప్రేమకథను ఎక్కడ కూడా డీవియేట్ కాకుండా చూపించడంలో సఫలమయ్యాడు అనే చెప్పాలి. ప్రతి సన్నివేశంలో కూడా లవ్ స్టోరీ ని చూపించే ప్రయత్నం చేశాడు. కానీ లీడ్ పెయిర్ మధ్య రొమాంటిక్ సన్నివేశాలు.. లవ్ కెమిస్ట్రీ సన్నివేశాలు ఉండి ఉంటే బాగుండేది. ప్రభాస్ ను హస్తసాముద్రికుడు గా చూపించి ప్రేక్షకులను మెప్పించే ప్రయత్నం చేసి ఆయన సఫలమయ్యాడు అని చెప్పాలి. హీరో హీరోయిన్ మధ్య సన్నివేశాల విషయంలో ఇంకాస్త జాగ్రత్త తీసుకోవాల్సి ఉంది. సినిమాటోగ్రఫీ చాలా బాగుంది, అద్భుతమైన విజువల్స్ ను సినిమాటోగ్రఫీ అందించడంలో సఫలమైంది. ఎడిటింగ్ విషయంలో ఇంకాస్త మెరుగ్గా వ్యవహరించాల్సి ఉంది. నిర్మాణాత్మక విలువల గురించి ప్రత్యేకంగా మాట్లాడాల్సిన పనిలేదు.. ఎందుకంటే మూడు వందల కోట్ల బడ్జెట్ సినిమా కనుక ఏ స్థాయిలో ఉంటుందో ప్రత్యేకంగా చెప్పనక్కర్లేదు. ఇక సంగీతం విషయానికొస్తే పాటలు బాగున్నాయి. థమన్ అందించిన నేపధ్య సంగీతం పర్వాలేదనిపించింది. కొన్ని సన్నివేశాల్లో నేపథ్య సంగీతం హైలైట్గా నిలిచింది. స్క్రీన్ ప్లే విషయంలో అది కూడా సెకండాఫ్ లో ఇంకాస్త జాగ్రత్తగా ఉండాల్సింది.
పాజిటివ్ పాయింట్స్:
- నిర్మాణాత్మక విలువలు,
- సంగీతం
నెగటివ్ పాయింట్స్:
- కథ ప్రభాస్ మాస్ ఇమేజ్ కు సెట్ అయ్యేలా లేదు
- కామెడీ ఆకట్టుకోలేదు
- హీరో హీరోయిన్ మద్య కెమిస్ట్రీ లేకపోవడం
చివరిగా:
ప్రేక్షకులు ప్రభాస్ నుండి ఒక భారీ కమర్షియల్ సినిమాను ఆశిస్తున్నారు. బాహుబలి మరియు సాహో రేంజ్ లో కాకుండా కచ్చితంగా రాధేశ్యామ్ ఒక మంచి సినిమాగా నిలుస్తుంది అంటూ ప్రతి ఒక్కరు మొదట్నుంచి నమ్మకంగా ఉన్నారు. చిత్ర యూనిట్ వారు చేసిన ప్రచారం మేరకు అంచనాలు పెట్టుకొని ఎదురు చూశారు. కానీ ఆ అంచనాలను అందుకోవడంలో దర్శకుడు రాధాకృష్ణ విఫలం అయ్యాడు అని చెప్పక తప్పదు. కథ మరియు కథనం విషయంలో ఇంకాస్త జాగ్రత్త తీసుకోవాల్సి ఉంది. ప్రతి ఒక్క సన్నివేశం కూడా విజువల్ గా అద్భుతంగా చూపించారు అని భావించారు. కానీ హీరో హీరోయిన్ మధ్య రొమాంటిక్ సన్నివేశాలు.. లవ్ సన్నివేశాలు ఉండాలనే విషయాన్ని పట్టించుకోలేదు అనిపిస్తుంది. ప్రభాస్ మాస్ ఇమేజ్ కి ఇలాంటి క్లాస్ కథలు సెట్ కావేమో అనిపిస్తుంది. ఓవరాల్ గా గత మూడు నాలుగు సంవత్సరాలుగా ఎదురు చూస్తున్న ప్రభాస్ అభిమానులకు విజువల్ ట్రీట్ అయితే ఖాయం కాని పూర్తి స్థాయి కమర్షియల్ ఎంటర్టైన్మెంట్ ను మాత్రం ఇవ్వలేకపోయింది.
తెలుగు బులెటిన్ రేటింగ్: 2.5/5.0
320484 19302Woh Everybody loves you , bookmarked ! My partner and i take concern inside your last point. 636456
782048 616885Hey there! Nice post! Please inform us when we will see a follow up! 799273
686076 866196Thanks for taking the time to discuss this topic. I genuinely appreciate it. Ill stick a link of this entry in my blog. 671044
988640 275142Definitely composed written content material , thanks for details . 364374
305856 844405dress shops that offer discounts are really common in our spot and i always shop at them,. 324981