గ్రామీణ ఆంధ్రప్రదేశ్లో పారిశుధ్య సమస్యలకు సరికొత్త పరిష్కార మార్గంగా మ్యాజిక్ డ్రెయిన్స్ను ప్రవేశపెట్టిన ఉప ముఖ్యమంత్రి Pawan Kalyan ఆలోచనలను ఒలింపిక్ పతక విజేత, ప్రముఖ బ్యాడ్మింటన్ క్రీడాకారిణి P. V. Sindhu ప్రశంసించారు. గ్రామాల్లో మురుగు నీటి సమస్యను సమర్థవంతంగా పరిష్కరించే ఈ విధానం నిజంగా గేమ్ ఛేంజర్గా నిలుస్తుందని ఆమె అభిప్రాయపడ్డారు.
ఉప ముఖ్యమంత్రిగా పవన్ కళ్యాణ్ చేపడుతున్న వినూత్న కార్యక్రమాలపై స్పందిస్తూ పీవీ సింధు వీడియో సందేశం విడుదల చేశారు. గ్రామీణ ప్రాంతాల్లో పారిశుధ్యం పెద్ద సవాలుగా ఉన్న నేపథ్యంలో మ్యాజిక్ డ్రెయిన్స్ ఒక సమర్థవంతమైన పరిష్కారంగా మారుతున్నాయని ఆమె పేర్కొన్నారు. ఇళ్ల నుంచి వచ్చే మురుగు నీటిని ఇంకుడు గుంతలతో కూడిన ఈ డ్రెయిన్లు వెంటనే శోషించడంతో పాటు మూడంచెల ఫిల్టర్ బెడ్ల ద్వారా శుద్ధి చేసి భూగర్భ జలాలుగా మార్చడం ఈ వ్యవస్థ ప్రత్యేకతగా నిలుస్తోంది.
మురుగు నీటి నిల్వ, దుర్వాసన వంటి సమస్యలను నివారించడంలో మ్యాజిక్ డ్రెయిన్స్ కీలక పాత్ర పోషిస్తున్నాయని సింధు వివరించారు. సాధారణ సిమెంట్ డ్రెయిన్లతో పోలిస్తే ఈ డ్రెయిన్ల నిర్మాణంలో సుమారు 80 శాతం వ్యయం ఆదా అవుతుండటం మరో ముఖ్యమైన అంశమని చెప్పారు. గ్రామీణ ప్రజల ఆరోగ్యాన్ని కాపాడడంలో, పరిశుభ్ర వాతావరణాన్ని కల్పించడంలో ఈ విధానం కీలకంగా మారుతుందని ఆమె అభిప్రాయపడ్డారు.
భవిష్యత్తులో కూడా ఇలాంటి వినూత్న కార్యక్రమాలతో ప్రజా సమస్యలకు పరిష్కారాలు అందించాలని, రాష్ట్ర అభివృద్ధి కోసం కేంద్రం సహకారంతో ముందుకు సాగాలని సింధు ఆకాంక్షించారు. ప్రధాన మంత్రి Narendra Modi సహకారం, ముఖ్యమంత్రి N. Chandrababu Naidu నాయకత్వంలో, పవన్ కళ్యాణ్ దార్శనికతతో గ్రామీణ ఆంధ్రప్రదేశ్ అన్ని రంగాల్లో అభివృద్ధి చెందాలని ఆమె ఆశాభావం వ్యక్తం చేశారు.