అల్లు అర్జున్, సుకుమార్ ల కాంబినేషన్ లో వచ్చిన పుష్ప ది రైజ్ బోలెడన్ని అంచనాలను క్రియేట్ చేయగలిగింది. ఫారెస్ట్ నేపథ్యంలో ఎర్ర చందనం స్మగ్గ్లింగ్ బ్యాక్ డ్రాప్ లో రూపొందిన ఈ సినిమా ఎలా ఉందో చూద్దామా?
కథ:
పుష్ప రాజ్ (అల్లు అర్జున్) ఎర్ర చందనం స్మగుల్ చేసే లారీ డ్రైవర్. ఈ బిజినెస్ లో టాప్ ప్లేస్ కు చేరాలన్నది పుష్ప రాజ్ కల. తన కల నెరవేర్చుకోవడానికి పుష్ప ఏం చేసాడు? తనకన్నా పైన ఉన్న వాళ్ళను ఎలా ఢీ కొట్టాడు? పోలీసులకు ఎందుకు తిరిగాడు అన్నది మిగతా కథ. ఈ ప్రాసెస్ లో పుష్ప విజయం సాధించాడా లేదా? ఈ మొత్తం వ్యవహారంలో శ్రీవల్లి (రష్మిక మందన్న) పోషించే పాత్ర ఏంటి?
నటీనటులు:
స్మగ్లర్ గా అల్లు అర్జున్ అద్భుతమైన పెర్ఫార్మన్స్ ను కనబర్చాడు ఈ సినిమా ద్వారా. తన బాడీ లాంగ్వేజ్ కానీ, డైలాగ్ డెలివరీ కానీ టాప్ నాచ్ పెర్ఫార్మన్స్ కు సాక్ష్యాలు. ఈ సినిమాను భుజాలపై మోశాడు బన్నీ. తన ఇమేజ్ మేకోవర్ కు హ్యాట్సాఫ్ చెప్పకుండా ఉండలేం. నటుడిగా తనను తాను తరచి చూసుకునే క్రమంలో ఇది ఆరంభం మాత్రమే అని బన్నీ ఎందుకన్నాడో ఈ చిత్రం చూస్తే అర్ధమవుతుంది.
పూర్తిగా డీగ్లామ్ పాత్రలో రష్మిక మెప్పించింది. తన నుండి ఆశించే పెర్ఫార్మన్స్ అందించింది. సునీల్, అనసూయ, ఇతరులు తమ తమ పాత్రల్లో మెప్పిస్తారు. ఫహద్ ఫాజిల్ అందరూ ఊహించినట్లు గానే సెకండ్ హాఫ్ చివర్లో వచ్చినా బలమైన ఇంపాక్ట్ క్రియేట్ చేయగలిగాడు.
సాంకేతిక నిపుణులు:
సుకుమార్ గత చిత్రం రంగస్థలాన్ని ఒక రస్టిక్ యాక్షన్ ఎంటర్టైనర్ గా తీర్చిదిద్దాడు. పుష్ప విషయంలో కూడా దాన్నే ఫాలో అయినట్లుగా అనిపిస్తుంది. ఈసారి సెటప్, యాక్షన్ పార్ట్ అన్నీ కూడా భారీ ప్లాట్ ఫామ్ పై పరిచాడు. అయితే ఎంగేజింగ్ విషయంలో రంగస్థలంకి సగం వద్దే ఆగిపోతుంది పుష్ప. రంగస్థలంలో ఉన్న డ్రామా ఇందులో మిస్ అయింది.
స్మగ్లింగ్ రంగంలో టాప్ చేరడానికి ఏం చేయడానికైనా వెనుకాడని పుష్ప రాజ్ కథను చెప్పాలనుకున్నాడు సుకుమార్. రెండు భాగాలుగా ఈ చిత్రాన్ని మలిచే క్రమంలో కథను బాగా సాగదీసినట్లు అనిపిస్తుంది. అందువల్లనే పుష్ప ది రైజ్ మొదటి హాఫ్ లో పెద్దగా ఏం జరగదు. కథ నత్తనడకన సాగుతుంది. మొదటి హాఫ్ లో అయితే ఇంటర్వెల్ బ్లాక్ తప్ప పెద్దగా హై పాయింట్స్ అన్నవే ఉండవు. సెకండ్ హాఫ్ లోనే మెజారిటీ యాక్షన్ అన్నది ఉంటుంది. సెకండ్ పార్ట్ కు కావాల్సిన స్టేజ్ సెట్ అయింది. సెకండ్ పార్ట్ నుండి ఏం ఆశించవచ్చో చిన్న టీజర్ లా క్లైమాక్స్ లో చూపించారు. ఇక ఫస్ట్ హాఫ్ లో వచ్చే లవ్ ట్రాక్ కొంచెం బెటర్ గా ఉంది. విఎఫ్ఎక్స్ కూడా యావరేజ్ గా అనిపిస్తుంది. లవ్ ట్రాక్ లో వచ్చే కామెడీ నవ్విస్తుంది.
దేవి శ్రీ ప్రసాద్ బ్యాక్ గ్రౌండ్ మ్యూజిక్ అంత ఎఫెక్టివ్ గా అనిపించదు. అలాగని ఆడియో ఆల్బమ్ కూడా మిగతా సినిమాల రేంజ్ లో చార్ట్ బస్టర్ అవ్వలేదు. సినిమాటోగ్రఫీ అద్భుతంగా అనిపిస్తుంది. ప్రొడక్షన్ డిజైనింగ్ కూడా అంతే. విఎఫ్ఎక్స్ ను పక్కన పెడితే నిర్మాణ విలువలు చాలా రిచ్ గా ఉన్నాయి.
ప్లస్ పాయింట్స్:
- అల్లు అర్జున్ నటన, బాడీ లాంగ్వేజ్, యాస
- ఫస్ట్ హాఫ్ లో వచ్చే లవ్ ట్రాక్
- ఇంటర్వెల్ సీన్
- ఇంటర్వెల్ తర్వాత వచ్చే మొదటి ఫైట్
- ఫహద్ ఎంట్రీ తర్వాత ఆఖరి 30 నిముషాలు
మైనస్ పాయింట్స్:
- స్లో నరేషన్
- విఎఫ్ఎక్స్
- బ్యాక్ గ్రౌండ్ మ్యూజిక్
- భారీ రన్ టైం
- సమంత ఐటమ్ సాంగ్ తప్పితే గ్లామర్ లేదు.
చివరిగా:
పుష్ప ది రైజ్ పర్వాలేదనిపించే యాక్షన్ ఎంటర్టైనర్. స్మగ్లింగ్ బ్యాక్ డ్రాప్ లో మంచి కథనే ఎంచుకున్నాడు సుకుమార్. సెకండ్ పార్ట్ కు కూడా పెర్ఫెక్ట్ బేస్ ను ఆఖరి 30 నిమిషాల ద్వారా సిద్ధం చేసుకున్నాడు. అయితే అంతకు ముందు ఉన్న స్లో నరేషన్ కంప్లైంట్ ను మాత్రం అది ఓవర్ కమ్ చేయలేకపోయింది. అల్లు అర్జున్ తన వంతుగా విశ్వప్రయత్నమే చేసాడు. సినిమా ఎండింగ్ ప్రకారం చూస్తే అసలు విషయం అంతా సెకండ్ పార్ట్ లో ఉన్నట్లు అనిపిస్తుంది. మొత్తంగా, పుష్ప ది రైజ్: పర్వాలేదనిపించే యాక్షన్ ఎంటర్టైనర్.
తెలుగు బులెటిన్ రేటింగ్: 2.5/5
122745 653391Its genuinely a good and helpful piece of information. Im glad which you just shared this valuable info with us. Please keep us informed like this. Thanks for sharing. 937192
928503 740324Do people nonetheless use these? Personally I adore gadgets but I do prefer something a bit a lot more up to date. Nonetheless, nicely written piece thanks. 798362