నందమూరి బాలకృష్ణ హీరోగా ప్రస్తుతం కె ఎస్ రవికుమార్ దర్శకత్వంలో ఓ సినిమా తెరకెక్కుతుంది. ఇప్పటికే మొదటి షెడ్యూల్ జోరుగా జరుగుతున్న ఈ సినిమా తరువాత బాలయ్య నెక్స్ట్ సినిమాను బోయపాటి శ్రీను తో ఉంటుందని కన్ఫర్మ్ చేసాడు. బోయపాటి – బాలయ్య కాంబినేషన్ లో సినిమా కాబట్టి అప్పుడే ఈ సినిమా పై అంచనాలు పెరుగుతున్నాయి.
ఈ సినిమా తరువాత బాలయ్య ను లైన్ లో పెట్టేందుకు క్రేజీ దర్శకుడు పూరి జగన్నాధ్ సన్నాహాలు చేస్తున్నాడు. ఇప్పటికే వీరిద్దరి కాంబినేషన్ లో వచ్చిన పైసా వసూల్ ఆశించిన స్థాయిలో సక్సెస్ కాలేదు. కానీ మళ్ళి పూరి తో సినిమా చేస్తానని బాలయ్య అన్నాడు. అప్పటినుండి మరోసారి బాలయ్య కోసం ప్రయత్నాలు చేస్తున్నాడు పూరి.
వరుస పరాజయాలతో సతమతమైన పూరి జగన్నాధ్ లేటెస్ట్ గా రామ్ తో చేసిన ఇస్మార్ట్ శంకర్ సినిమాతో మళ్ళీ లైమ్ లైట్ లోకి వచ్చాడు. ఇస్మార్ట్ శంకర్ తరువాత రౌడీ హీరో విజయ్ దేవరకొండ తో ఫైటర్ అనే సినిమా చేస్తున్నాడు పూరి. ఈ సినిమా తరువాత అయన బాలయ్య తో చేయడానికి రంగం సిద్ధం చేస్తున్నాడు.
బాలయ్య నెక్స్ట్ సినిమా బోయపాటి శ్రీను సినిమా తరువాత పూరి – బాలయ్య ల కాంబినేషన్ పట్టాలు ఎక్కుతుందట. ఇప్పటికే వీరిద్దరి మధ్య స్టోరీ డిస్కషన్స్ కూడా జరిగినట్టు టాక్ ! సో ఈ సినిమా గురించి అధికారిక ప్రకటన త్వరలోనే వెలువడనుంది.