పూరి జగన్నాధ్ .. దాదాపు చాలా రోజులుగా సరైన సక్సెస్ లేక .. టెన్షన్ మీదున్న దర్శకుడు. అంతకు ముందు ఇండస్ట్రీ రికార్డులను తిరగరాసిన ఆ దర్శకుడికి వరుస ప్లాప్ లతో కెరీర్ లో వెనక పడ్డాడు. అతగాడితో సినిమా చేయడానికి స్టార్ హీరోలు కొందరు ముఖం చాటేశారు కూడా . ఒకటి కాదు రెండు కాదు ఏకంగా అరడజనుకు పైగా సినిమాలు బోల్తా కొట్టాయి. అయినా సరే ఎక్కడ పూరి వెనక అడుగు వేయలేదు .. చావో రేవో ఇక్కడే తేల్చుకోవాలని గట్టిగానే ప్రయత్నాలు చేసాడు.
అంత వరకు పూరి మార్క్ స్టైల్ అన్న వాళ్లే .. రొటీన్ సినిమాలతో పూరి మారడా! అయన కథలు మారవా అన్నారు .. అయినా సరే నేను నా దారిలోనే వెళ్తా అంటూ .. ఓ ఇస్మార్ట్ ఐడియా వేసాడు .. అది వర్కవుట్ అయింది. ఇన్నాళ్లు పూరి పని అయిపొయింది అనుకున్న వాళ్లంతా షాక్ అయ్యేలా పూరి తన స్టామినా ఏమాత్రం తగ్గలేదని ఇస్మార్ట్ గా ప్రూవ్ చేసాడు .. అదే ఇస్మార్ట్ శంకర్ సినిమా.
Also Read: బుజ్జిగాడికోసం.. పూరి ప్రయత్నాలు ?
ఇస్మార్ట్ శంకర్ ఆసినిమా తక్కువ బడ్జెట్ లో తెరకెక్కి ఏకంగా 40 కోట్ల వసూళ్లు అందుకుంది. ఈ సినిమాకు ముందు పూరికి ప్లాపులు ఉన్నాయి కాబట్టి .. బిజినెస్ యావరేజ్ గా జరిగింది .. కానీ సినిమా విడుదలై దుమ్ము రేపి .. భారీ వసూళ్లను అందుకోవడంతో పూరికి మళ్ళీ పాత రోజులొచ్చాయి. ఎస్ .. దానికి సాక్ష్యం కూడా ఉంది .. పూరి దర్శకుడిగా ఛార్మి నిర్మాతగా ఇప్పటికే వరుస సినిమాలు చేస్తున్నారు. తాజాగా ఇస్మార్ట్ శంకర్ సక్సెస్ తో భారీగా డబ్బులు వచ్చాయి కాబట్టి ఇద్దరు చెరో సూపర్ కార్స్ ని కొనేసుకున్నారు ?
పూరి రేంజ్ రోవర్ వోగ్ కారును కొంటె . ఛార్మి బి ఎం డబ్ల్యూ 7 సిరీస్ కార్ ని కొనేసింది. ఇద్దరు కలిసి ఓ ఫొటోకు పోజు కూడా ఇచ్చాడు. మొత్తానికి దర్శకుడిగా పూరి, నిర్మాతగా ఛార్మి .. ఇద్దరు ఇస్మార్ట్ శంకర్ తో ఫుల్ జోష్ లో ఉన్నారు. ఇక పూరి జగన్నాధ్ ప్రస్తుతం రౌడీ హీరో విజయ్ దేవరకొండ తో సినిమాకు కమిట్ అయ్యాడు. ఇప్పటికే ప్రీ ప్రొడక్షన్ పనులు జరుపుకుంటున్న ఈ సినిమా నవంబర్ లో మొదలు కానుంది. ఫైటర్ టైటిల్ తో ఈ సినిమా తెరకెక్కుతుంది.