‘లాక్ డౌన్’ కారణంగా ప్రభుత్వానికి ఆదాయం తగ్గిపోయింది.. తగ్గిపోవడమేంటి, అసలు రావడమే లేదిప్పుడు. ఉద్యోగులకు జీతాలు ఇవ్వలేని పరిస్థితి ఏర్పడిందంటూ, దేశంలోనే ధనిక రాష్ట్రాల్లో ముందు వరుసలో వున్న తెలంగాణ గురించి తెలంగాణ ముఖ్యమంత్రి కేసీఆర్ చెప్పుకొచ్చారు. ప్రజలెవరూ ఆందోళన చెందాల్సిన పనిలేదనీ, బాధ్యతగా వుండాలనీ కేసీఆర్ భరోసా ఇస్తున్నారు.
అయితే, నిన్నటిదాకా ఓ పరిస్థితి.. ఇప్పుడు ఇంకో పరిస్థితి నెలకొంది. కరోనా భయం నుంచి జనం క్రమక్రమంగా ‘బయటపడుతున్నారు’. అవును, భయంతో ఇళ్ళకే పరిమితమైన జనం, ఇప్పుడు కరోనా భయం తగ్గడంతో విచ్చలవిడిగా రోడ్ల మీదకు వచ్చేస్తున్నారు. అందరూ అని కాదుగానీ, కొందరు మాత్రం నిర్లక్ష్య ధోరణితో రోడ్ల మీదకు వస్తుండడంతో మిగతావారిలో ఆందోళన నెలకొంటోంది. పాత మందుల చీటీలు చూపించి పోలీసులకు ‘మస్కా’ కొడుతున్నారంటే పరిస్థితి ఎలా వుందో అర్థం చేసుకోవచ్చు.
‘ఏప్రిల్ 7 నాటికి తెలంగాణ నుంంచి కరోనాని పూర్తిగా తరమికొట్టే అవకాశాలున్నాయి..’ అని ముఖ్యమంత్రి, రాష్ట్ర ప్రజలకు ధైర్యాన్ని ఇచ్చే ఉద్దేశ్యంతో చేసిన వ్యాఖ్యలతో, జనం భయాన్ని మర్చిపోయి.. ఒక్కసారిగా నిర్లక్ష్యాన్ని ఒంటికి పులిమేసుకున్నట్లు కన్పిస్తోంది. రోడ్ల మీద ఒక్కసారిగా జనం తాకిడి పెరగడంతో పోలీసులు సైతం షాక్కి గురవుతున్నారు. అలా రోడ్ల మీదకు వస్తున్నవారిని పోలీసులు ఆపుతున్నా, ‘కుంటి సాకులతో’ జనం తప్పించుకునేందుకు ప్రయత్నిస్తుండడం గమనార్హం.
నిజానికి, ఇప్పుడే అత్యంత జాగ్రత్తగా వుండాలి. లేకపోతే, ప్రమాద తీవ్రత ఒక్కసారిగా మళ్ళీ పెరిగిపోయే అవకాశాలు లేకపోలేదు. తెలంగాణలో కరోనా కేసుల నమోదు కొనసాగుతున్న ప్రస్తుత పరిస్థితుల్లో ఇతరుల గురించి ఆలోచించకుండా రోడ్ల మీదకు వస్తున్న ఆకతాయిలపై కరిన చర్యలు తీసుకోవాల్సిందే. అయినా, ముఖ్యమంత్రి ఇచ్చిన భరోసాని వెటకారం చేసేలా రోడ్ల మీదకు రావడమంటే, వీళ్ళసలు మనుషులేనా.?
933334 920408i was just surfing along and came upon your blog. just wanted to say great job and this post actually helped me. 166748
698895 104758So, is this just for men, just for girls, or is it for both sexes If it s not, then do girls require to do anything different to put on muscle 626422