అసలు రాజకీయంలో ఏముంది.? రాజకీయ నాయకులనిపించుకోవడానికి ‘కొందరు’ ఎందుకు ప్రత్యేకంగా ప్రయత్నిస్తుంటారు.? కోట్లు ఖర్చు చేస్తుంటారు.? రాజకీయమంటే ఒకప్పుడు ప్రజా సేవ. కానీ, ఇప్పుడు రాజకీయమంటే వ్యక్తి పూజ.. ఆపై, ప్రజల్ని దోచుకోవడం. ఇదే నేటి రాజకీయం.
ఆంధ్రప్రదేశ్ అసెంబ్లీలో ప్రతిపక్షం, అధికార పక్షం మధ్య దూషణలు కొత్తేమీ కాదు. ఏ చట్ట సభ తీసుకున్నా.. కాస్త తక్కువో, కాస్త ఎక్కువో.. దూషణలైతే కామన్. ప్రజా సమస్యల గురించిన చర్చ తక్కువ.. వ్యక్తిగత రాజకీయ విమర్శల దాడి ఎక్కువ. అసలు చట్ట సభలకు వెళ్ళేదే ప్రత్యర్థుల్ని తిట్టడానికన్న బలమైన అభిప్రాయం రాజకీయ వ్యవస్థలో నాటుకుపోయింది.
ప్రభుత్వం ఏం చేస్తోంది.? ఏం చెయ్యాలి.? అన్న అంశాల గురించే చట్ట సభల్లో చర్చ జరగాలి. కానీ, అది జరగదు. ‘అప్పుడు నువ్వేం చేశావ్.?’ అన్న దగ్గర్నుంచి, ‘నీ పెళ్ళాం ఎవడి దగ్గర పడుకుంది.?’ అన్నదాకా అర్థం పర్థం లేని బూతుల పంచాంగం చట్ట సభల్లో నడుస్తోంది.
నిజానికి, ఇది నాయకుల తప్పు కానే కాదు. వాళ్ళకెలాగూ సిగ్గూ ఎగ్గూ వుండదు. ఆలోచించాల్సింది ఓటర్లు మాత్రమే. చట్ట సభలకు ఎలాంటి నాయకుల్ని పంపిస్తున్నాం.? అన్నది ప్రజలు ఆలోచించుకోవాలి. అసలు ఎన్నికలు ఎందుకొస్తున్నాయ్.? ఓట్లు ఎందుకు వేస్తున్నాం.? అన్న ఆత్మవిమర్శ ఓటర్లు చేసుకోకపోతే భవిష్యత్ అత్యంత భయానకం.
న్యూస్ ఛానళ్ళలో చట్ట సభల కార్యకలాపాల గురించి తిలకిస్తోంటే, మ్యూట్ చేసుకోవాల్సి వస్తోంది. పిల్లలు వినలేని బూతులు ఆ చట్ట సభల్లో నాయకుల నోళ్ళ నుంచి జాలువారుతున్నాయి. ఆంధ్రప్రదేశ్ అసెంబ్లీలో ఈ రోజు జరిగిన ఘటన ప్రజాస్వామ్యానికే మాయని మచ్చ. ‘అబ్బే, ఏమీ జరగలేదు’ అని ఎవరైనా అంటే, అంతకన్నా ఆత్మవంచన ఇంకేమీ వుండదు.
845115 665802This really is a fantastic web page, could you be interested in performing an interview about just how you developed it? If so e-mail me! 434944
583376 108225Id should consult you here. Which is not some thing It is my job to do! I spend time reading an post that might get people to believe. Also, numerous thanks for permitting me to comment! 292870