ప్రముఖ ఎన్నికల వ్యూహకర్త ప్రశాంత్ కిషోర్ అలియాస్ పీకే.. ప్రత్యక్ష ఎన్నికలకే సన్నద్ధమవుతున్నారా? రాజ్యసభకు ఆయన్ను నామినేట్ చేస్తామంటూ తృణమూల్ కాంగ్రెస్ అధినేత్రి మమతా బెనర్జీ ఇచ్చిన ఆఫర్ ను పీకే తిరస్కరించారా? అంటే ఔననే సమాధానాలు వినిపిస్తున్నాయి. బీజేపీకి వ్యతిరేకంగా గళం విప్పి, జేడీయూ నుంచి బహిష్కరణకు గురైన ప్రశాంత్ కిషోర్ సేవలను తాము ఉపయోగించుకోవాలని మమత భావించారు.
ఆయనలాంటి ప్రముఖ వ్యక్తి పార్లమెంటులో ఉంటే బీజేపీతో పోరుకు ఉపకరిస్తుందని అనుకున్నారు. దీంతో ప్రస్తుతం తమకు రాబోయే నాలుగు రాజ్యసభ సీట్లలో ఒకటి పీకేకి ఇవ్వాలని నిర్ణయించారు. దీంతో పెద్దల సభలోకి పీకే ఎంట్రీ ఖాయమనే ప్రచారం జరిగింది. అయితే, తాజాగా వస్తున్న సమాచారాన్ని బట్టి మమత ప్రతిపాదనను పీకే సున్నితంగా తోసిపుచ్చినట్టు తెలుస్తోంది.
పరోక్ష ఎన్నికల ద్వారా చట్టసభలకు వెళ్లదలుచుకోలేదని, ప్రత్యక్షంగానే బరిలోకి దిగుతానని చెప్పినట్టు సమాచారం. బీహార్ లోనే తన రాజకీయ సామ్రాజ్యాన్ని నిర్మించుకోవాలని ఆయన భావిస్తున్నట్టు తెలుస్తోంది. త్వరలోనే ఇందుకు సంబంధించిన కార్యాచరణ మొదలుపెట్టి రాష్ట్రవ్యాప్తంగా పర్యటన చేయాలని నిర్ణయించుకున్నట్టు చెబుతున్నారు. తద్వారా క్షేత్ర స్థాయిలో తనకంటూ ప్రత్యేక కేడర్ నిర్మించుకుంటూ ఐదు నుంచి పదేళ్లలో బలమైన శక్తిగా బీహార్లో ఎదగాలని ప్రణాళిక రచించుకున్నట్టు పేర్కొంటున్నారు.
గతంలో జేడీయూలో చేరి తప్పు చేశానని, ఇకపై అలాంటి పొరపాటు చేయకుండా తన మార్కు సిద్ధాంతాలతో ప్రజల్లోకి వెళ్లాలన్నదే పీకే ఆలోచనగా తెలుస్తోంది. బీహార్ లో బలంగా ఎదగడంతోపాటు జాతీయ స్థాయిలో బీజేపీకి వ్యతిరేకంగా కూటమి ఏర్పాటు చేయాలనే సమాంతర లక్ష్యంతో ముందుకెళ్లాలని ప్రశాంత్ కిషోర్ భావిస్తున్నట్టు సమాచారం.
ఇందుకోసం కలిసి వచ్చే పార్టీలను కలుపుకొని వెళ్లాలని నిర్ణయం తీసుకున్నట్టు తెలుస్తోంది. మొత్తానికి ఎన్నికల వ్యూహాల్లో విజయవంతమైన వ్యక్తిగా దేశవ్యాప్తంగా గుర్తింపు తెచ్చుకున్న పీకే.. పార్టీ పెట్టి విజయం సాధిస్తారా లేదా అనేది తెలియాలంటే కొంతకాలం వేచి చూడాల్సిందే.
410853 848829Nice read. I just passed this onto a buddy who was performing some research on that. He just bought me lunch since I discovered it for him! Thus let me rephrase: Thanx for lunch! 682200
799054 818799We dont trust this remarkable submit. Nevertheless, I saw it gazed for Digg along with Ive determined you can be appropriate so i ended up being imagining within the completely wrong way. Persist with writing top quality stuff along these lines. 332374