ప్రశాంత్‌ కిషోర్‌ పైత్యం పెరిగిపోయిందిగా.!

2019 ఎన్నికల్లో ఆంధ్రప్రదేశ్‌లో కాంగ్రెస్‌ పార్టీని గెలిపించాడాయన.. మొన్నీమధ్యనే ఢిల్లీలో ఆవ్‌ు ఆద్మీ పార్టీ గెలపుకి కారణం కూడా ఆయనే.! ఆ మాటకొస్తే, ఒకప్పుడు ఆయన నరేంద్ర మోడీకి అత్యంత సన్నిహితుడు.. దేశ రాజకీయాల్లో ‘ఎన్నికల వ్యూహకర్త’గా పేరొందిన ఆయన ఇంకెవరో కాదు, ప్రశాంత్‌ కిషోర్‌. జనం ఓట్లేస్తే గెలవడం కాదు, ఆయన ఇచ్చే వ్యూహాల్ని అమలు చేస్తే ఆటోమేటిక్‌గా గెలిచేస్తామన్న భావన రాజకీయ పార్టీలకు కల్పించడంలో ప్రశాంత్‌ కిషోర్‌ సక్సెస్‌ అవుతున్నారా.? అంటే, అవుననే స్థాయికి రాజకీయ వ్యవస్థ దిగజారిపోయింది.

చంద్రబాబు పాలనపై వ్యతిరేకత, వైఎస్సార్‌ కాంగ్రెస్‌ పార్టీని గెలిపించింది. ఢిల్లీలో ఆవ్‌ు ఆద్మీ పార్టీ పాలనకి జనం ఓట్లేశారు. ఈ క్రమంలో ప్రశాంత్‌ కిషోర్‌ వ్యూహాలు కూడా కొంత మేర పనిచేసి వుండొచ్చుగాక.! కానీ, దేశ రాజకీయాల్ని తానే శాసించేస్తానని ప్రశాంత్‌ కిషోర్‌ అనుకుంటే ఎలా.?

బీహార్‌ ముఖ్యమంత్రి నితీష్‌ కుమార్‌పై విమర్శనాస్త్రాలు సంధిస్తూ, ‘గాంధీ వైపున వుంటారా.? గాడ్సే వైపున వుంటారా.?’ అని ప్రశాంత్‌ కిషోర్‌ నిలదీసేశారు. ఇవే, ఈ తరహా దిక్కుమాలిన రాజకీయాలు చేసే.. చాలా రాజకీయ పార్టీలు, నాయకులు దేశాన్ని భ్రష్టుపట్టించేశారు. మహాత్మాగాంధీ వైపు కాకుండా, ఆయన్ని హత్య చేసిన గాడ్సే వైపు ఎవరైనా వుంటారా.? అలా వుండాలని ఎవరైనా కోరుకుంటారా.? రాజకీయ పైత్యం ముదిరిపోయిందని చెప్పడానికి ఇంతకన్నా నిదర్శనం ఇంకేం కావాలి.?

అన్నట్లు, తమిళనాడులో డీఎంకే పార్టీ కోసం పనిచేయనున్నారు ప్రశాంత్‌ కిషోర్‌. అక్కడ ఎలాంటి రాజకీయ వ్యూహాల్ని ఆయన అమలు చేస్తారోగానీ.. అక్కడసలే సున్నితమైన పరిస్థితులు కన్పిస్తుంటాయి చాలా విషయాల్లో. తమిళ సెంటిమెంట్లు రెచ్చగొట్టే క్రమంలో ప్రశాంత్‌ కిషోర్‌ గనుక హద్దులు దాటితే.. అది జాతికే పెను సంకటంగా మారనుంది.