మెగాపవర్ స్టార్ రామ్ చరణ్ తేజ్ RC15 షూటింగ్ లో అడుగు పెట్టారు. అమెరికా నుంచి నేరుగా ఢిల్లీ వచ్చి ఇండియా టుడే కాంక్లేవ్ లో పాల్గొని హైదరాబాద్ వచ్చారు. మరునాడే సినిమా షూటింగ్ లో పాల్గొని తన నిబద్ధతను చాటుకున్నారు. ఈక్రమంలో సెట్లో ఆయనకు డ్యాన్సింగ్ సెన్సేషన్ ప్రభుదేవా నుంచి గ్రాండ్ వెల్కమ్ లభించింది.
శంకర్ దర్శకత్వంలో తెరకెక్కతున్న ఈ సినిమాకు సంబంధించి పాట చిత్రీకరిస్తున్నారు. 400 మంది డ్యాన్సర్లతో ప్రభుదేవా కొరియోగ్రఫీలో చిత్రీకరిస్తున్నారు. ఈక్రమంలో సెట్లో నాటు-నాటు పాట ఐకనిక్ డ్యాన్స్ స్టెప్ ను డ్యాన్సర్లతో కలిసి ప్రభుదేవా చేశారు. దీంతో సెట్లో సందడి వాతావరణం నెలకొంది.
రామ్ చరణ్ తోపాటు, కొరియోగ్రాఫర్ ప్రేమ్ రక్షిత్ ను ప్రభుదేవా అభినందించారు. పాటకు ఆస్కార్ వచ్చిన సందర్భంగా కేక్ కోసి సంబరాలు చేశారు. ప్రస్తుతం ప్రభుదేవా చేసిన డ్యాన్స్ వీడియో నెట్టింట వైరల్ గా మారింది. దీనిపై రామ్ చరణ్ సతీమణి ఉపాసన ట్వీట్ చేస్తూ ప్రభుదేవాకు కృతజ్ఞతలు తెలిపారు.
Here’s what happened when @AlwaysRamCharan entered the sets of #RC15
Warmest welcome from @PDdancing Prabhu Deva ji & 400 super talented dancers. 🙏🤗❤️🥹#backtowork 👌 pic.twitter.com/aTj3LhxFth— Upasana Konidela (@upasanakonidela) March 19, 2023