Prabhas : ప్రభాస్ ఫ్యాన్స్ తో పాటు పాన్ ఇండియా సినీ ప్రేక్షకులు కల్కి సినిమాకి బ్రహ్మరథం పట్టారు. ఇప్పటికే రూ.1000 కోట్ల వసూళ్లు క్రాస్ చేసిన కల్కి సినిమా మరో రెండు వారాల పాటు పాన్ ఇండియా బాక్సాఫీస్ వద్ద సందడి చేయడం ఖాయంగా కనిపిస్తోంది.
ఇప్పటికే కల్కి 2 సినిమా గురించిన అధికారిక ప్రకటన వచ్చింది. పార్ట్‌ లో అంతకు మించి అన్నట్లుగా సరికొత్త ప్రపంచాన్ని చూపించబోతున్నారని తెలుస్తోంది. కల్కి 2 గురించి రకరకాల పుకార్లు షికార్లు చేస్తున్నాయి. ఈసమయంలో కల్కి సినిమాకు ప్రొడక్షన్‌ డిజైనర్‌ గా చేసిన జిహాని నితిన్ ఆసక్తికర వ్యాఖ్యలు చేశాడు.
జిహాని మాట్లాడుతూ… కల్కి సినిమాలో కాశీ లో ఉన్న కాంప్లెక్స్ ను మాత్రమే చూపించడం జరిగింది. అయితే అలాంటి కాంప్లెక్స్ లు ప్రపంచ వ్యాప్తంగా మొత్తం ఏడు ఉంటాయి. కల్కి 2 లో మరో ఆరు కాంప్లెక్స్ ల ప్రస్థావన ఉండే అవకాశం ఉందని ఆసక్తికర వ్యాఖ్యలు చేశాడు. సినిమా పార్ట్‌ 2 మహాద్భుతంగా ఉంటుందని అంతా చాలా నమ్మకంగా ఉన్నారు.