బాహుబలి సినిమాలో రెండు విభిన్నమైన పాత్రలో రెండు రకాల ఫిజిక్‌ లతో కనిపించిన ప్రభాస్ ఆ తర్వాత సాహో సినిమాలో యాక్షన్‌ హీరో అనిపించే ఫిజిక్‌ తో మెప్పించాడు. ప్రభాస్ ఫిజిక్‌ కారణంగానే ఉత్తరాది ప్రేక్షకులను విపరీతంగా సాహో ఆకట్టుకుంది అనడంలో ఎలాంటి సందేహం లేదు. ప్రభాస్ జిమ్‌ ట్రైనర్‌ గా గత ఏడు సంవత్సరాలుగా లక్ష్మణ్‌ ఉన్నారు. ఆయనకు ఇటీవలే రేంజ్‌ రోవర్‌ కారును కూడా ప్రభాస్ బహుమానంగా ఇచ్చిన విషయం తెల్సిందే. ప్రభాస్ గత ఆరు నెలలుగా షూటింగ్స్‌ లేని కారణంగా పూర్తిగా ఇంటికే పరిమితం అయ్యారు. తిండి ప్రియుడు అయిన ప్రభాస్ ఈ సమయంలో కాస్త వెయిట్‌ పెరిగారట.
త్వరలో రాధేశ్యామ్‌ షూటింగ్‌ ప్రారంభం కాబోతున్న కారణంగా మళ్లీ ప్రభాస్ కు జిమ్‌ ట్రైనింగ్‌ ఇచ్చేందుకు మునుపటి షేప్‌ కు తీసుకు వచ్చేందుకు లక్ష్మణ్‌ రెడీ అయ్యాడు. ప్రభాస్ ఇంట్లో లక్ష్మణ్‌ సారధ్యంలో రోజులో అయిదు గంటల పాటు వర్కౌట్స్‌ చేస్తున్నట్లుగా తెలుస్తోంది. రాధేశ్యామ్‌ చిత్రం తర్వాత ప్రభాస్ ఆదిపురుష్‌ సినిమాలో నటించాల్సి ఉంది. ఆసినిమాలో ప్రభాస్ రాముడిగా కనిపించాల్సి ఉంది. అందుకోసం ప్రభాస్ మళ్లీ సిక్స్‌ ప్యాక్‌ చేయాల్సి ఉంటుందని యూనిట్‌ సభ్యులు అన్నారట. దాంతో ప్రభాస్ మళ్లీ సిక్స్‌ ప్యాక్‌ కోసం ట్రై చేస్తున్నాడు.
బాహుబలి సినిమాలో ప్రభాస్ సిక్స్‌ ప్యాక్‌ లో కనిపించాడు. ఆదిపురుష్‌ లో మళ్లీ సిక్స్‌ ప్యాక్‌ తో కనిపిస్తాడేమో చూడాలి. ఆది పురుష్‌ తర్వాత నాగ్‌ అశ్విన్‌ దర్శకత్వంలో సినిమాను చేయాల్సి ఉంది. ఆ సినిమాకు సంబంధించి ఇప్పటి వరకు ఎలాంటి అప్‌ డేట్‌ లేదు. కాని అందులో కూడా ప్రభాస్ చాలా విభిన్నమైన లుక్‌ తో కనిపించబోతున్నాడు. అందుకోసం కూడా బాగా వర్కౌట్స్‌ చేయాల్సి ఉంటుందట.
52538 227687I believe this web website contains really superb composed articles posts . 425183