‘శ్రీ సీతా రాముల కల్యాణం చూతము రారండి’, ‘అన్నయ్య’, ‘ప్రేమ కోసం’, ‘శివ రామరాజు’ వంటి సూపర్ హిట్ సినిమాలతో అభిమానులను ఆకట్టుకున్న హీరో వెంకట్ మళ్లీ సినిమాల్లోకి వస్తున్నారు. ఆయన హీరోగా నటిస్తున్న తాజా మాస్ కమర్షియల్ ఎంటర్టైనర్ ‘ఓం హరుడు’. ఈ చిత్రానికి రాజ్ తాళ్లూరి దర్శకత్వం వహిస్తున్నారు. వీఆర్ ఎంటర్టైన్మెంట్ బ్యానర్పై ఈ చిత్రం నిర్మితమవుతోంది. ఇప్పటికే విడుదలైన పోస్టర్లు, టీజర్లు మంచి రెస్పాన్స్ పొందాయి.
ఇప్పుడు ఈ సినిమా నుంచి ‘ప్రభంజనం’ సాంగ్ విడుదలైంది. ఈ పాటను విశ్వ వేమూరి స్వయంగా రాసి, స్వరపరచి, పాడారు. పవర్ ఫుల్ బీట్స్, ఎనర్జీతో నిండిన ఈ పాట ప్రస్తుతం సోషల్ మీడియాలో వైరల్ అవుతోంది.
ఈ చిత్రంలో హెబ్బా పటేల్, సలోని, నాటషా, శ్రీహరి పైల, అలీ, సుమన్, రవి వర్మ, సుభాశ్రీ కీలక పాత్రల్లో నటిస్తున్నారు. అలాగే వేద్విక, చాందిని రావు, రవి, షాని, ఆదిత్య, సమేట గాంధీ, దిల్ రమేష్, దొరబాబు కూడా నటిస్తున్నారు.
సినిమా టెక్నికల్ టీమ్లో మని జీన్న, విశ్వ వేమూరి సంగీతం అందిస్తుండగా, ఆనంద్ మారుకుర్తి సినిమాటోగ్రాఫర్గా, ఉప్పు మారుతీ ఎడిటర్గా పని చేస్తున్నారు.