Vishnu Priya: సినీ నటి, బుల్లితెర యాంకర్ విష్ణుప్రియపై పోలిస్ కేసు నమోదయింది. ఇన్ స్ట్రాగ్రామ్ వేదికగా ఆమె చేస్తున్న పబ్లిసిటీ యువతను పెడదోవ పట్టించేలా ఉందంటూ ఏఐఎస్ఎఫ్ ఆగ్రహం వ్యక్తం చేసింది. తన అర్ధనగ్న వీడియో చూడాలంటే నగదు చెల్లించి సబ్ స్క్రిప్షన్ తీసుకోవాలంటూ ప్రచారం చేసుకుంటున్నారని.. ఆమెపై క్రిమినల్ కేసు నమోదు చేయాలని సైబర్ క్రైం పోలీసులకు ఫిర్యాదు చేశారు ఏఐఎస్ఎఫ్ నాయకులు. ఈమేరకు ఏఐఎస్ఎఫ్ రాష్ట్ర ఉపాధ్యక్షుడు ఎం.సాయికుమార్ తోసహా పలువురు సూర్యారావుపేటలోని సైబర్ క్రైమ్ స్టేషన్లో ఫిర్యాదు చేశారు.
గ్లామర్ ఫీల్డ్ లో హద్దులు మీరుతున్నారని ఎందరికో ఆదర్శంగా ఉండాల్సిన విష్ణుప్రియ డబ్బు కోసం అర్ధనగ్న ప్రదర్శనలకు సిద్దమవుతున్నారని విమర్శించారు. ఇటువంటి ప్రకటనలు, ప్రదర్శనలతో సమాజానికి ఏం సందేశం ఇస్తున్నట్టు అని వారు ప్రశ్నించారు. విష్ణుప్రియ ఇన్ స్టా అకౌంట్ బ్లాక్ చేసి క్రిమినల్ చర్యలు తీసుకోవాలని ఫిర్యాదులో కోరారు. విష్ణుప్రియ పలు సినిమాల్లోనే కాకుండా బుల్లితెరపై అనేక షోలకు యాంకర్ గా వ్యవహరించారు. బిగ్ బాస్ లో కూడా ఆమె పార్టిసిపేట్ చేశారు.