చిరంజీవికి ప్రధాని పొగడ్తలు: వాళ్ళకి ఎక్కడో కాలుతోందే.!

మెగాస్టార్ చిరంజీవి విషయంలో కొన్ని రాజకీయ పార్టీలకీ, కొన్ని మీడియా సంస్థలకీ అభద్రతాభావం తరచూ ఎక్కువైపోతుంటుంది. సినీ రంగంలో చిరంజీవిని ఎవరన్నా పోటీగా భావిస్తే.. అది వేరే లెక్క. ప్రస్తుతం చిరంజీవి రాజకీయాల్లో లేరు. అయినాగానీ, చిరంజీవి మీద రాజకీయంగా బురద చల్లడానికి కొన్ని రాజకీయ పార్టీలు, చాలా మీడియా సంస్థలు ‘గోతికాడి నక్కల్లా’ కాచుక్కూర్చుంటాయి.

‘ఇండియన్ ఫిలిం పర్సనాలిటీ ఆఫ్ ది ఇయర్ 2022’ పురస్కారం మెగాస్టార్ చిరంజీవిని వరించింది. పలువురు కేంద్ర మంత్రులు, గవర్నర్లు, ఇతర రాజకీయ ప్రముఖులు మెగాస్టార్ చిరంజీవిని అభినందిస్తూ సోషల్ మీడియా వేదికగా స్పందిస్తున్నారు.

ప్రధాని నరేంద్ర మోడీ కూడా సినీ రంగానికి చిరంజీవి చేసిన సేవలు, సినీ రంగంలో చిరంజీవి సాధించిన విజయాల్ని ప్రస్తావిస్తూ ట్వీటేశారు. అంతే, సోకాల్డ్ మీడియా సంస్థలకీ.. సోకాల్డ్ రాజకీయ పార్టీలు, నాయకులకీ ఎక్కడో కాలిపోయినట్టుంది.

యెల్లో మీడియా ఎలాగూ చిరంజీవి మీద పడి ఏడుస్తూనే వుంటుంది.. ఎందుకంటే, తమ యజమానికి ప్రజారాజ్యం పార్టీ కారణంగా 2009 ఎన్నికల్లో నష్టం జరిగిందనేది సదరు మీడియా సంస్థల ఏడుపు. ‘జెండా పీకేద్దామా.!’ అంటూ ప్రజారాజ్యం పార్టీ మీద విషం చిమ్మిన పచ్చ జాతి అది.

బులుగు మీడియా తక్కువేం తిన్లేదు.! ప్రధాన మంత్రి సహా పలువురు కేంద్ర మంత్రులు, గవర్నర్లు కూడా చిరంజీవిని అభినందించడం, ఆయన కీర్తి ప్రతిష్టల్ని కొనియాడటాన్ని ఈ బులుగు మీడియా జీర్ణించుకోలేకపోతోంది. రాజకీయంగా చిరంజీవిని వాడుకునేందుకే బీజేపీ ఈ ప్రయత్నాలు చేస్తోందన్నది బులుగు మీడియా విశ్లేషణ.

ఇంకా నయ్యం, బీజేపీని మెప్పించడానికే చిరంజీవి 150 సినిమాలు చేసి వుంటారని అన్లేదు.! ఏమో, అలాంటి పిచ్చి ఆలోచన ఈ బులుగు మేధావులకు వచ్చినా రావొచ్చు. మీడియా రంగాన్ని దిగజార్చేయడంలో యెల్లో గ్యాంగ్‌ది ఒక రికార్డ్ అయితే, ఆ దిగజారిపోవడంలో కొత్త లోతుల్ని వెతికేందుకు శక్తి వంచన లేకుండా కృషి చేస్తోంది ఈ బులుగు గ్యాంగ్. నవ్విపోదురుగాక వాళ్ళకేటి సిగ్గు.?