నటుడు వినోద్ కిషన్ హీరోగా క్రేజీ యాంట్స్ ప్రొడక్షన్ బ్యానర్ పై నిర్మాత రాకేష్ వర్రే ప్రొడ్యూస్ చేస్తున్న మూవీ పేకమేడలు. వినోద్ కిషన్ నా పేరు శివ, అంధగారం వంటి సినిమాల్లో నటించి తనకంటూ మంచి గుర్తింపును తెచ్చుకున్నాడు. ఇక పేకమేడలు చిత్రంలో అనూష కృష్ణ హీరోయిన్ గా నటిస్తోంది. ఈ సినిమాను నీలగిరి మామిళ్ల డైరెక్ట్ చేస్తున్నారు. తాజాగా ఈ సినిమా నుండి ఫస్ట్ సాంగ్ ను రిలీజ్ చేశారు.
బూమ్ బూమ్ లచ్చన్న అంటూ సాగే ఈ ఫస్ట్ సింగిల్ సాంగ్ ను ప్రముఖ సింగర్ మనో పాడారు. భార్గవ్ కార్తీక్ అందించిన లిరిక్స్ కు స్మరణ్ సాయి చక్కటి ట్యూన్ ను కంపోజ్ చేశారు. ఈ సినిమాను పూర్తి ఎంటర్టైనర్ మూవీగా తెరకెక్కించినట్లుగా మేకర్స్ తెలిపారు.
ఇక ఈ సినిమాను జూలైలో రిలీజ్ చేసేందుకు మేకర్స్ ప్లాన్ చేస్తున్నారు. కాగా, ఈ సినిమాలో రితిక శ్రీనివాస్, జగన్ యోగి రాజ్, అనూష నూతల, గణేష్ తిప్పరాజు, నరేన్ యాదవ్ తదితరులు ఇతర ముఖ్య పాత్రల్లో నటిస్తున్నారు.