Ustad Bhagat Singh: పవర్ స్టార్ పవన్ కల్యాణ్ హీరోగా నటిస్తున్న యాక్షన్ మూవీ ‘ఉస్తాద్ భగత్ సింగ్’. శ్రీలీల హీరోయిన్. హరీష్ శంకర్ దర్శకత్వంలో తెరకెక్కుతున్న సినిమా షూటింగ్ పవన్ పొలిటికిల్ బిజీ వల్ల బ్రేక్ వచ్చింది. సినిమా ఎప్పుడెప్పుడా అని ఎదురుచూస్తున్న పవన్ ఫ్యాన్స్ కు గుడ్ న్యూస్ వచ్చింది.
హైదరాబాద్ లో ప్రారంభమైన కొత్త షెడ్యూల్లో పవన్ కళ్యాణ్ పాల్గొన్నట్టు టీమ్ అధికారికంగా ప్రకటించింది. పవన్ కల్యాణ్ తోపాటు సినిమాలో నటిస్తున్న మెయిన్ ఆర్టిస్టులు పాల్గొంటారు. ఇప్పటికే రిలీజయిన టీజర్ అభిమానులను విపరీతంగా ఆకట్టుకుంది. పవర్ ఫుల్ పోలిస్ ఆఫీసర్ గా పవన్ మేకోవర్, డైలాగ్స్, స్టయిల్, యాక్షన్.. అభిమానులను విపరీతంగా ఆకట్టుకున్నాయి.
‘గబ్బర్ సింగ్’తో మ్యాజిక్ చేసిన పవన్ కల్యాణ్-హరీశ్ శంకర్-దేవిశ్రీ ప్రసాద్ మళ్లీ కలిసి పని చేస్తూండటంతో తో సినిమాపై భారీ అంచనాలు నెలకొన్నాయి.. మైత్రి మూవీ మేకర్స్ నవీన్ యెర్నేని, రవి శంకర్ సినిమాను భారీ స్థాయిలో నిర్మిస్తున్నారు. అయాంక బోస్ సినిమాటోగ్రఫీ అందిస్తున్నారు.