ఎన్నికల్లో తమ అభ్యర్థుల తరఫున ఓటర్లకు ఒక్క రూపాయి కూడా ప్రలోభాల కోసం ఖర్చు చేయని పార్టీ ఏదన్నా వుందంటే అది జనసేన మాత్రమే. దాదాపు అన్ని ప్రధాన రాజకీయ పార్టీలూ ఇటీవలి ఆంధ్రప్రదేశ్ ఎన్నికల్లో భారీయెత్తున డబ్బు కుమ్మరించాయి. ఒక్క ఓటు కోసం పది వేల రూపాయలు ఖర్చు చేసిన పార్టీలూ లేకపోలేదు. ఆ ఖర్చుని తిరిగి రాబట్టుకోవడానికి ‘వసూళ్ళకు తెగబడ్తున్న’ సందర్భాల్నీ చూస్తున్నాం. ఓ వైపు ముఖ్యమంత్రి వైఎస్ జగన్ మోహన్రెడ్డి ‘అవినీతికి ఆస్కారం లేని పాలన’ అని చెబుతోంటే, ఇంకోపక్క అధికార పార్టీ నేతలే అడ్డగోలుగా వసూళ్ళకు పాల్పడుతున్నట్లు ఆరోపణలు వెల్లువెత్తుతున్నాయి. మళ్ళీ ఆ వసూల్ రాజాల మధ్య గొడవలు తలెత్తితే ముఖ్యమంత్రే స్వయంగా సెటిల్మెంట్లు చేయాల్సిన దుస్థితి.
మొన్న గుంటూరు జిల్లాలో, తాజాగా నెల్లూరు జిల్లాలో అధికార పార్టీ నేతల మధ్య ‘ఇసుక కుంభకోణాల పంచాయితీ’ తలెత్తడం, అది కాస్తా అధికార పార్టీ పరువుని బజార్న పడేయడం తెలిసిన విషయాలే. ఇదిలా వుంటే, తాము బురదలో కూరుకుపోయి.. ఆ బురదని ఇతరుల మీదా చల్లే క్రమంలో వైసీపీతోపాటు, టీడీపీ.. జనసేన పార్టీని లక్ష్యంగా చేసుకున్నట్లు కన్పిస్తోంది. జనసేన పార్టీకి వున్నదే ఒకే ఒక్క ఎమ్మెల్యే. జనసైనికులేమో, తమ అధినేత కోసం స్వచ్ఛందంగా పార్టీకి విరాళాలిస్తూ.. పార్టీ నడిపేందుకు తమ వంతు సాయం చేస్తున్నారు.
ఇటీవల పవన్ కళ్యాణ్ పుట్టినరోజు నేపథ్యంలో అభిమానులు, ‘పవన్ కొత్త సినిమా విడుదలయ్యిందనుకుందాం..’ అంటూ చందాలు పోగేసిన విషయం విదితమే. కానీ, జనసేన మీద బురద చల్లేందుకోసం ‘వసూళ్ళకు పాల్పడుతున్నారు..’ అంటూ బురద జల్లే కార్యక్రమం షురూ చేశాయి వైసీపీ, టీడీపీ. తమ అనుకూల మీడియా సంస్థలతో ఈ ప్రచారానికి ఆ పార్టీలు తెరలేపడంతో, జనసేన అలర్ట్ అయ్యింది.
తమపై జరుగుతున్న దాడిని తిప్పి కొట్టేందుకు ప్రణాళిక సిద్ధం చేసుకుంటోంది. మరోపక్క, సోషల్ మీడియా వేదికగా జనసైనికులు, తమపై ఇతర పార్టీలు.. ఆయా పార్టీలకు అనుబంధంగా పనిచేస్తున్న మీడియా సంస్థలు చేస్తున్న ఆరోపణల్ని ఇప్పటికే తిప్పి కొడుతున్నాయి. జనసేన పార్టీకి అసలు నేతలే లేరంటూ సదరు మీడియా సంస్థలే ఛలోక్తులు విసురుతున్న విషయం విదితమే. మరి, ఎవరు ఈ వసూళ్ళకు తెరలేపుతున్నారు.? అయినా, వైసీపీ – టీడీపీ వుండగా.. బెదిరించే ఛాన్స్ ఇంకో పార్టీకి దక్కుతుందా.? నవ్విపోదురుగాక మనకేటి సిగ్గు.? అన్నట్టుంది జనసేన మీద ఈ ‘వసూల్ రాజాల’ ఆరోపణల పర్వం.
ఒక్కటి మాత్రం నిజం.. వసూళ్ళు చేపట్టాల్సిన ఖర్మ అయితే జనసేనకు పట్టలేదు. పవన్ కళ్యాణ్ ఒక్క పిలుపునిస్తే.. పార్టీకి నిధులు వచ్చి పడతాయి. అక్కడిదాకా ఎందుకు.? ఓ సినిమా తన సొంత బ్యానర్లో పవన్ నిర్మిస్తానని ముందుకొస్తే, వందల కోట్లు వచ్చేస్తాయ్. అవి పార్టీ కార్యక్రమాలకు వినియోగించుకునే అవకాశం పవన్ కళ్యాణ్కి లేదా.?
893949 784071You appear to be quite professional in the way you write.::~ 280424
690325 946440I truly appreciated this fantastic weblog. Make sure you keep up the good function. All of the very best !!!! 442295
307808 575934not everyone would want a nose job but my girlfriend really needs some rhinoplasty coz her nose is kind of crooked- 790726