ప్రతిసారీ వాలెంటైన్స్ డే అనగానే.. నానా హంగామా జరిగేది ఇండియాలో. కానీ, ఈసారి అందుకు భిన్నం. ప్రేమికుల రోజున ప్రేమికులు ‘వేడుకల్ని’ జరుపుకోవడంలేదని అనలేంగానీ, ఒకప్పటి హంగామా అయితే కన్పించడంలేదు. దానిక్కారణం.. ఈ రోజు ‘బ్లాక్ డే’.
అవును, సరిగ్గా ఏడాది ఇదే రోజున పుల్వామా ఘటన జరిగింది. పాకిస్తాన్ ప్రేరేపిత తీవ్రవాదులు, ఓ వాహనంలో పెద్దయెత్తున పేలుడు పదార్థాల్ని తీసుకెళుతూ, ఆర్మీ కాన్వాయ్ని ఢీకొట్టారు. ఈ ఘటనలో 40 మందికి పైగా భారత జవాన్లు అమరులయ్యారు. ‘హౌ ఈజ్ ద జోష్..’ అంటూ అప్పట్లో పాకిస్తాన్ ప్రేరేపిత తీవ్రవాదులు ఈ దాడిపై వెటకారం చేశారు. దానికి ఆ తర్వాత భారతదేశం బదులు తీర్చుకుంది.. ఉగ్రవాదుల ఏరివేతని ఓ రేంజ్లో చేపట్టిందనుకోండి.. అది వేరే విషయం.
కానీ, చరిత్రలో జరిగిన అతి పెద్ద తీవ్రవాద దాడుల్లో ఒకటిగా పుల్వామా ఘటన ఎప్పటికీ మిగిలిపోతుంది. జమ్మూకాశ్మీర్లో ఇలాంటి ఘటనలు కొత్తేమీ కాదు. అయితే, ఈసారి పరిస్థితి పూర్తిగా మారింది. దేశమంతా పాకిస్తాన్కి వ్యతిరేకంగా నినదించింది. తీవ్రవాదానికి చెంప పెట్టులాంటి సమాధానం చెప్పాలంటూ గర్జించింది. మన ఇంట్లో మన సోదరుడ్ని కోల్పోయిన బాధతో గుండెలవిసేలా విలపించింది యావత్ భారతావని. దేశాన్ని ఒక్కతాటిపైకి తెచ్చిన ఘటన ఇది. అందుకే, ఆ ఘటనను మళ్ళీ ఇంకోసారి దేశం తలచుకుంది.. ఉలిక్కిపడుతోంది.
అదే సమయంలో, సైనికుల త్యాగాల్ని తలచుకుని చెమర్చిన కళ్ళతో వారికి ఇంకోసారి నివాళులర్పిస్తోంది. అదే సమయంలో, ప్రతి ఒక్కరిలోనూ దేశభక్తి ఉప్పొంగుతోంది. ‘మేరా భారత్ మహాన్..’ అంటూ నినదిస్తోంది. దేశ భక్తి ఇంతలా దేశవ్యాప్తంగా వెల్లువెత్తుతున్న వేళ ‘వేలంటైన్స్ డే వేడుకలు’ వెలవెలబోవడంలో వింతేమీ లేదు. ఒకప్పుడు వాట్సాప్ డీపీల్లోనూ, స్టేటస్లలోనూ ప్రేమికుల రోజున.. ప్రేమ సందేశాలు కన్పించేవి. కానీ, ఇప్పుడు దేశభక్తితో కూడిన స్టేటస్లు, డిపిలు కన్పిస్తున్నాయి.
51632 850804Your writing taste has been surprised me. Thanks, quite great post. 570756