ఒకే ఒక జీవితం మూవీ రివ్యూ – ఎమోషనల్ రైడ్

వరస ప్లాపులతో సతమతమవుతోన్న శర్వానంద్ నుండి వచ్చిన లేటెస్ట్ మూవీ ఒకే ఒక జీవితం. మరి ఈ సినిమాతోనైనా శర్వా హిట్ అందుకోగలడా? చూద్దాం.

కథ:

ఆది (శర్వా), చైతన్య (వెన్నెల కిషోర్), శీను (ప్రియదర్శి)లు చిన్నతనం నుండే మంచి స్నేహితులు. మరోవైపు పాల్ (నాజర్) అనే సైంటిస్ట్ టైం ట్రావెల్ పై ప్రయోగాలు చేస్తూ ఉంటాడు. అయితే ఒకానొక సందర్భంలో ఆది అండ్ బ్యాచ్, పాల్ ను కలుస్తారు. టైం ట్రావెల్ కాన్సెప్ట్ ను నమ్మిస్తాడు.

వారి పూర్తవ్వని కలల్ని సాకారం చేసుకోవడానికి వారిని తమ బాల్యపు రోజులకు పంపిస్తాడు. మరి ఆ తర్వాత ఏమైంది? ఆది అండ్ బ్యాచ్ ఎలాంటి పరిస్థితులను ఎదుర్కొన్నారు?

నటీనటులు:

ఎప్పట్లానే శర్వానంద్ చాలా సహజంగా తన పాత్రను చేసుకుంటూ పోయాడు. సెకండ్ హాఫ్ లో వచ్చే ఎమోషనల్ సీన్స్ లో శర్వా ఎంత మంచి నటుడు అన్నది మరోసారి ప్రూవ్ అవుతుంది. అమల అక్కినేని, తన కొడుకుపై అపారమైన ప్రేమ ఉన్న తల్లిగా బాగా చేసింది. ముఖ్యంగా అమల-శర్వా మధ్య వచ్చే సన్నివేశాలు సహజంగా ఉంటాయి.

ప్రియదర్శి, వెన్నెల కిషోర్… శర్వానంద్ స్నేహితులుగా మంచి కామెడీ పంచారు. ముగ్గురి స్నేహ బంధం రియలిస్టిక్ గా చూపించాడు దర్శకుడు. రీతూ వర్మకు పెద్దగా స్కోప్ దక్కలేదు. ఉన్నంతలో పర్వాలేదు. నాజర్ కూడా బాగానే చేసాడు. ఇక ముగ్గురు చైల్డ్ ఆర్టిస్ట్ లు చాలా సహజంగా నటించడం విశేషం.

సాంకేతిక నిపుణులు:

ఒక సైన్స్ ఫిక్షన్ థ్రిల్లర్ లో ఎమోషనల్ యాంగిల్ ను మిక్స్ చేయాలన్న దర్శకుడి ఆలోచనను మెచ్చుకోవాల్సిందే. తన మదిలో మెదిలిన ఆలోచనను తెర మీదకు తీసుకురావడంలో విజయవంతమయ్యాడు.

సుజిత్ సారంగ్ సినిమాటోగ్రఫీ నీట్ గా సాగింది. రెండు టైమ్ ఫ్రేమ్స్ ను చక్కగా చూపించాడు. జేక్స్ బిజోయ్ మ్యూజిక్ చిత్రానికి కచ్చితంగా ప్లస్ అయింది. తరుణ్ భాస్కర్ అందించిన తెలుగు డైలాగ్స్ మెప్పిస్తాయి. ఇక గ్రాఫిక్స్ వర్క్ కూడా డీసెంట్ గానే ఉంది. నిర్మాణ విలువలు బాగున్నాయి.

పాజిటివ్ పాయింట్స్:

• కాన్సెప్ట్
• దర్శకత్వం
• స్క్రీన్ ప్లే

నెగటివ్ పాయింట్స్:

• ఫస్ట్ హాఫ్, సెకండ్ హాఫ్ లో వచ్చే ల్యాగ్ సీన్స్

విశ్లేషణ:

మొత్తంగా చూసుకుంటే ఒకే ఒక జీవితం డీసెంట్ గా సాగే సైన్స్ ఫిక్షన్ చిత్రం. మధ్యమధ్యలో వచ్చే ఎమోషనల్ ఎపిసోడ్స్ చిత్రానికి ప్లస్ గా మారాయి. శర్వానంద్ ఎప్పటినుండో చూస్తోన్న విజయం ఈ చిత్రం ద్వారా దక్కే అవకాశాలున్నాయి.

తెలగుబులెటిన్ రేటింగ్: 2.75/5