పవన్ కల్యాణ్ నటిస్తున్న మోస్ట్ హైప్ ఉన్న మూవీ ఓజీ. సుజిత్ డైరెక్షన్ లో వస్తున్న ఈ సినిమాపై గుడ్ న్యూస్ వచ్చింది. మూవీ షూటింగ్ రీ స్టార్ట్ చేశారు. మూవీ టీమ్ ఓ పోస్టర్ వదిలి అనౌన్స్ చేసింది. ఈ ఫొటోలో సుజిత్, అతని టీమ్ షూటింగ్ పనుల్లో ఉన్నట్టు కనిపిస్తోంది. పవన్ కల్యాణ్ ఇందులో జాయిన్ అయ్యారా లేదా అన్న దాని మీద క్లారిటీ ఇవ్వలేదు.
త్వరలోనే పవన్ కల్యాణ్ ఈ షూట్ లో జాయిన్ అవుతారని తెలుస్తోంది. హరిహర వీరమల్లు మూవీ షూటింగ్ అయిపోయి రిలీజ్ కు రెడీ అవుతోంది. కాబట్టి ఓజీని కూడా కంప్లీట్ చేసేయాలని పవన్ డిసైడ్ అయ్యారు. అందుకే షూటింగ్ కు అన్నీ రెడీ చేసుకోమని సుజిత్ కు చెప్పేశారంట. కంటిన్యూగా ఈ మూవీ కోసం డేట్లు కేటాయించినట్టు తెలుస్తోంది.
ప్రియాంక అరుల్ మోహన్ ఇందులో హీరోయిన్ గా నటిస్తోంది. శ్రియారెడ్డి, అర్జున్ దాస్, ఇమ్రాన్ హష్మీ కీలక పాత్రల్లో నటిస్తున్నారు. ఇప్పటికే కొంత షూటింగ్ జరుపుకున్న ఈ మూవీ.. పవన్ కల్యాణ్ ఎన్నికల్లోకి వెళ్లిపోవడంతో ఆగిపోయింది. ప్రస్తుతం పవన్ డేట్లు కేటాయిస్తుండటం వల్ల షూటింగ్ రీ స్టార్ట్ అయింది.
ఇందుకు సంబంధించిన అప్ డేట్ ను నిర్మాణ సంస్థ డీవీవీ ప్రకటించింది. ఈ సారి ముగించేస్తామని తెలిపింది. ఈ మూవీలో పవన్ కల్యాణ్ గ్యాంగ్ స్టర్ పాత్రలో నటిస్తున్నాడు. ఇప్పటికే వచ్చిన హంగ్రి చీతా సాంగ్ యూత్ ను ఓ ఊపు ఊపేసింది. షూటింగ్ త్వరగా కంప్లీట్ చేసేసి సెప్టెంబర్ నెలలో రిలీజ్ చేసేందుకు ప్లాన్ చేస్తున్నారు.