బీసీసీఐ కొత్త అధ్యక్షుడిగా సౌరవ్ గంగూలీ బాధ్యతలు స్వీకరించాడు. పదవిలోకి వస్తూనే, టీమిండియాకి స్పష్టమైన సంకేతాలు పంపాడు. కెప్టెన్ విరాట్ కోహ్లీకి జట్టు ప్రయోజనాల విషయంలో సహాయ సహకారాలు అందిస్తాననీ, అంతకు మించి ఇతర విషయాల్లో కోహ్లీపైన తన ఒత్తిడి వుండబోదని బెంగాల్ టైగర్ ‘దాదా’ సౌరవ్ గంగూలీ తేల్చి చెప్పాడు.
మరోపక్క, రిటైర్మెంట్ విషయమై మహేంద్ర సింగ్ ధోనీతో మాట్లాడతారా.? అన్న ప్రశ్నకు సౌరవ్ గంగూలీ తనదైన రీతిలో సమాధానమిచ్చాడు. ‘రిటైర్మెంట్ అనేది ధోనీ వ్యక్తిగత విషయం. అతనొక ఛాంపియన్.. ఆయనతో ఖచ్చితంగా జట్టు ప్రయోజనాల గురించి మాట్లాడతాను. క్రికెట్ విషయమై ధోనీతో చర్చలు జరుగుతాయి..’ అని సౌరవ్ గంగూలీ చెప్పాడు.
ఇదిలా వుంటే, టీమిండియాకి ఫైటింగ్ స్పిరిట్ నేర్పిన కెప్టెన్గా సౌరవ్ గంగూలీకి తిరుగులేని పేరు ప్రఖ్యాతులున్నాయి. ఇక, బ్యాట్స్మెన్గా సౌరవ్ గంగూలీ సాధించిన రికార్డులు అన్నీ ఇన్నీ కావు. ఓ ఆటగాడిగా, కెప్టెన్గా.. టీమిండియాకి ఒకప్పుడు అత్యద్భుతమైన విజయాలు అందించిన గంగూలీ, బీసీసీఐ సారధిగా అదనపు బలంగా మారతాడన్నది నిర్వివాదాంశం.
అయితే, ఓ పెద్ద సమస్య వుందిక్కడ. అదే, సౌరవ్ గంగూలీ అగ్రెసివ్నెస్. జట్టు ప్రయోజనాల కోసమే కావొచ్చు.. బీసీసీఐ రాజకీయాల్ని తట్టుకోలేకనే కావొచ్చు.. ఆటగాడిగా, కెప్టెన్గా చాలా అగ్రెసివ్గా గతంలో వ్యవహరించిన సౌరవ్ గంగూలీ, ఇప్పుడు బీసీసీఐ అధ్యక్షుడిగా ఎలా వ్యవహరిస్తాడన్నదే మిలియన్ డాలర్ల ప్రశ్న.
ఇదిలా వుంటే, కేవలం 9 నెలల కాల పరిమితితోనే బీసీసీఐ అధ్యక్షుడిగా వ్యవహరించాల్సి వుంటుంది సౌరవ్ గంగూలీ. ఈలోగా తాను అనుకున్న మార్పుల్ని ఇటు జట్టులోనూ, అటు బీసీసీఐలోనూ సౌరవ్ గంగూలీ తీసుకురాగలుగుతాడా.? వేచి చూడాల్సిందే.
317457 295516Respect to website author , some great selective information . 154158