యంగ్ టైగర్ ఎన్టీఆర్ – కొరటాల శివ కాంబినేషన్ లో చిత్రం అనౌన్స్ అయిన విషయం తెల్సిందే. వీరిద్దరి కాంబినేషన్ లో వచ్చిన జనతా గ్యారేజ్ ఎంత పెద్ద సక్సెస్ సాధించిందో ప్రత్యేకంగా చెప్పాల్సిన అవసరం లేదు. దీంతో మరోసారి వీరిద్దరూ కలిసి పనిచేస్తున్నారు అంటే అంచనాలు ఓ రేంజ్ లో ఉన్నాయి.
తాజా సమాచారం ప్రకారం ఎన్టీఆర్ – కొరటాల శివ చిత్రం దసరా లాంచ్ కానుందని తెలుస్తోంది. ఇక రెగ్యులర్ షూటింగ్ ను డిసెంబర్ నుండి మొదలవుతుందని విశ్వసనీయ వర్గాల సమాచారం. ప్రస్తుతం కొరటాల శివ ఆచార్య చిత్రానికి తుది మెరుగులు దిద్దుతున్నాడు.
మరో పాటను చిత్రీకరించాల్సి ఉంది. అలాగే పోస్ట్ ప్రొడక్షన్ కార్యక్రమాలు పూర్తి చేయాలి. మరోవైపు ఎన్టీఆర్ స్క్రిప్ట్ పై కూడా వర్క్ జరుగుతోంది. ఈ చిత్రాన్ని మిక్కిలినేని సుధాకర్, కళ్యాణ్ రామ్ సంయుక్తంగా నిర్మిస్తున్నారు.