NTR : యంగ్ టైగర్ ఎన్టీఆర్ తన మొదటి సినిమాను హృతిక్ రోషన్ తో కలిసి చేయబోతున్న విషయం తెల్సిందే. వీరిద్దరి కాంబోలో హిందీ సూపర్ హిట్ మూవీ వార్ కు సీక్వెల్ గా వార్ 2 రాబోతుంది. ఈ సినిమాకు సంబంధించిన అధికారిక ప్రకటన ఇటీవలే వెలువడింది.
ఇటీవల ఎన్టీఆర్ పుట్టిన రోజు సందర్భంగా నీతో వార్ కోసం ఎదురు చూస్తున్నాను అన్నట్లుగా హృతిక్ రోషన్ సోషల్ మీడియాలో ఇంట్రస్టింగ్ పోస్ట్ ను షేర్ చేసిన విషయం తెల్సిందే. ఇక ఈ సినిమాలో హీరోయిన్ విషయమై గత కొన్ని రోజులుగా ఆసక్తికర చర్చ జరుగుతోంది.
మొన్నటి వరకు ఎన్టీఆర్ కు జోడీగా దీపికా పడుకునే హీరోయిన్ గా నటిస్తున్నట్లుగా వార్తలు వచ్చాయి. కానీ ఇప్పుడు మాత్రం గ్లోబల్ స్టార్ ప్రియాంక చోప్రాను వార్ 2 లో ఎన్టీఆర్ కు జోడీగా ఎంపిక చేశారు అంటూ వార్తలు వస్తున్నాయి.
ఇప్పటి వరకు వార్ 2 కి సంబంధించి ఎలాంటి ప్రకటనలు రాలేదు. కనుక ప్రియాంక చోప్రా హీరోయిన్ అనే వార్తల్లో నిజం లేకపోవచ్చు. కానీ ఎన్టీఆర్ ఫ్యాన్స్ మాత్రం ప్రియాంక చోప్రా తో ఎన్టీఆర్ రొమాన్స్ ను కోరుకుంటున్నారు. మరి అది ఎంత వరకు సాధ్యం అనేది చూడాలి.