దేశంలో కరోనా కాస్త అయిన తగ్గినట్లుగా అనిపిస్తే మే 3 తో లాక్ డౌన్ ను ఎత్తివేసే అవకాశం ఉంది. పరిస్థితి ఇలాగే ఉన్నా.. ఇంతకు మించి ఉన్నా కూడా ఖచ్చితంగా లాక్ డౌన్ ను తప్పనిసరి పరిస్థితుల్లో పెంచే అవకాశం ఉందని విశ్లేషకులు అభిప్రాయం వ్యక్తం చేస్తున్నారు. ఒక వేళ కొన్ని రాష్ట్రాల వరకు లాక్ డౌన్ ఎత్తివేసే అవకాశాలు కూడా ఉన్నాయి. తెలుగు రాష్ట్రాల్లో పరిస్థితి ఎలా ఉంటుందో ఇంకా ఇప్పుడే చెప్పలేం. ఒకవేళ మే లో లాక్ డౌన్ ఎత్తివేసినా కూడా వెంటనే సినిమా షూటింగ్స్ ప్రారంభం అయ్యే అవకాశం లేదంటూ ప్రముఖ నిర్మాత సురేష్బాబు అభిప్రాయం వ్యక్తం చేశారు.
తాజాగా ఆయన ఒక మీడియా సంస్థకు ఇచ్చిన ఇంటర్వ్యూలో మాట్లాడుతూ.. లాక్డౌన్ తర్వాత కూడా షూటింగ్స్ ప్రారంభం అవ్వక పోవచ్చు. కనీసం జూన్ మూడవ లేదా నాల్గవ వారం వరకు షూటింగ్స్కు వెళ్లక పోవడమే మంచిది అంటూ సురేష్బాబు తన అభిప్రాయంను వ్యక్తం చేశారు. కరోనా వైరస్ కేసులు జీరో అయ్యే వరకు జనాలు బయటకు వచ్చేందుకు కూడా భయపడుతూ ఉంటారు. కనుక కేసుల భయం లేనప్పుడు మాత్రమే షూటింగ్స్ ప్రారంభం అయ్యే అవకాశం ఉందని ఆయన అభిప్రాయపడ్డారు.
షూటింగ్స్ జూన్ వరకు కూడా లేకుంటే సినీ కార్మికుల పరిస్థితి ఏంటీ అంటూ కొందరు ఆందోళన వ్యక్తం చేస్తున్నారు. ప్రతి రోజు షూటింగ్స్ జరిగితే తప్ప కడుపు నింపుకోలేని పరిస్థితుల్లో ఉన్న సినీ కార్మికులు ఈ మూడు నెలలు షూటింగ్స్ లేకుండా తిండి లేక నానా అవస్థలు పడుతారని సినీ వర్గాల వారు ఆందోళన వ్యక్తం చేస్తున్నారు. ప్రస్తుతం సీసీసీ ద్వారా సినీ కార్మికులకు కొంతలో కొంత అయినా సాయం అందుతోంది. అది ఈ రెండు నెలలు కొనసాగించే అవకాశం లేదని.. వచ్చిన విరాళాలతో మరో నెల రోజుల వరకు సాయం చేసే అవకాశం ఉందని అంటున్నారు. ఆ తర్వాత పరిస్థితి ఏంటీ అంటూ సినీ కార్మికులు ఆందోళన వ్యక్తం చేస్తున్నారు.
527203 638071Spot on with this write-up, I genuinely suppose this internet internet site needs rather much more consideration. most likely be once far more to learn much far more, thanks for that information. 532181