అల్లు అర్జున్‌ అల వైకుంఠపురంలో చిత్రం సక్సెస్ హ్యాంగోవర్‌ నుండి మెల్లగా బయటకు వస్తున్నాడు. సుకుమార్‌ దర్శకత్వంలో బన్నీ తదుపరి చిత్రం చేయాల్సి ఉంది. ఇప్పటికే ఆ సినిమాకు సంబంధించిన ఒక షెడ్యూల్‌ను పూర్తి చేశారు. ఈనెలలోనే సినిమాను రెండవ షెడ్యూల్‌ను ప్రారంభించాల్సి ఉంది. కాని అల్లు అర్జున్‌ సక్సెస్ వేడుకలు కంటిన్యూ అవుతూనే ఉన్న కారణంగా సినిమా షూటింగ్ వాయిదా వేయడం జరిగింది. జనవరి మొదటి వారంకు సుకుమార్‌ వాయిదా వేశాడు.
దాదాపు నెల రోజుల పాటు షూటింగ్ ఆలస్యం అయిన కారణంగా అల్లు అర్జున్‌ ఏక దాటిగా మూడు నెలల పాటు మరే వర్క్‌ పెట్టుకోకుండా సుకుమార్‌కు అందుబాటులో ఉంటానంటూ ఒప్పుకున్నాడట. అందుకోసం అన్ని పనులు కూడా ఇదే నెలలో పూర్తి చేసుకోవాలని బన్నీ భావిస్తున్నాడు. పూర్తిగా మూడు నెలల పాటు సుకుమార్‌ దర్శకత్వంలో మూవీకే బన్నీ కేటాయించాలని నిర్ణయించుకున్నాడని సమాచారం అందుతోంది.
బన్నీ నిర్ణయంతో సినిమా చాలా స్పీడ్‌గా పూర్తి అయ్యే అవకాశం ఉందంటున్నారు. షూటింగ్‌ను ఎక్కువగా అటవి ప్రాంతంలో చిత్రీకరించాల్సి ఉంది. కనుక వేసవిలో అయితేనే షూటింగ్‌కు అనువుగా ఉంటుంది. ఆలస్యం అయితే వర్షాల కారణంగా షూటింగ్‌కు అంతరాయం కలుగుతుందని జూన్‌ లేదా జులై వరకు సినిమా షూటింగ్‌ను పూర్తి చేయాలని సుకుమార్‌ భావిస్తున్నాడట. అందుకు బన్నీ సహకరించనున్నాడు. దేవిశ్రీ ప్రసాద్‌ ఈ చిత్రానికి సంగీతాన్ని అందిస్తున్నాడు. ఈ చిత్రంలో బన్నీ లారీ డ్రైవర్‌గా కనిపిస్తాడని సమాచారం అందుతోంది. పూర్తి వివరాలు తెలియాల్సి ఉంది.