నిత్య ‘కామా’ నందుడి కైలాసానికి దారేది

నిత్యానందుడిని ముద్దుపేరు కామానందుడు. ఆధ్యాత్మిక గురువుగా పేరు తెచ్చుకున్న నిత్యానంద స్వామీ ఇండియాలోని వివిధ ప్రాంతాల్లో తన ఆశ్రమాలు నెలకొల్పాడు. ఆధ్యాత్మిక గురువుగా కంటే కూడా వివాదాస్పద గురువుగా పేరు తెచ్చుకున్నారు. మహిళలు ఎక్కువగా అయన ఆశ్రమంలో ఉంటుంటారు.

ఒకసారి నిత్యానంద ఆశ్రమానికి వచ్చిన మహిళలు తిరిగి బయటకు వెళ్లడం లేదు. ఎందుకో ఏమిటో తెలియదు. బెంగళూరుకు చెందిన శర్మ అనే వ్యక్తి తన కూతుర్లను నిత్యానంద స్వామీ ఆశ్రమంలో ఉంచామని, కానీ, ఇప్పుడు వాళ్ళను బెంగళూరు నుంచి అహ్మదాబాద్ కు షిఫ్ట్ చేసారని అహ్మదాబాద్ హైకోర్టులో పిటిషన్ పెట్టుకున్నారు. ఈ పిటిషన్ దాఖలయ్యాక, నిత్యానంద స్వామి పలాయనం చిత్తగించారు.

ఏమయ్యాడో తెలియలేదు. కట్ చేస్తే.. వెస్టిండీస్ దీవుల్లో ఓ దీవిని కొనుగోలు చేసి దానికి కైలాస దీవి అనే పేరు పెట్టాడు. దీవిని కొనుగోలు చేయడం అంటే మాములు విషయమా చెప్పండి. 2008 లో అయన పాస్ పోర్ట్ రెన్యూవల్ చేసుకోవాల్సి ఉన్నది. కానీ, అయన చుట్టూ నేరాలు అల్లుకొని ఉండటంతో పాస్ పోర్ట్ ను రెన్యూవల్ చేయలేదు. పాస్ పోర్ట్ లేకుండా అయన ఇండియా నుంచి ఎలా బయటకు వెళ్ళాడు అన్నది ఇప్పుడు పెద్ద ప్రశ్న. అంతేకాదు, దీవిని కొనుగోలు చేసేంత డబ్బు ఆయనకు ఎక్కడినుంచి వచ్చింది.

ఇక్కడ ఆశ్రమాలను ఒక్కొక్కటిగా పోలీసులు సీజ్ చేస్తూ వస్తున్నారు. పోలీసులు ఈ పని చేస్తున్న సమయంలోనే నిత్యానంద తన డబ్బును విదేశాలకు తరలించారా అనే డౌట్ ఉన్నది. ట్రినిడాన్ దీవుల్లోని దీవిని కొనుగోలు చేయడం అంటే మాములు విషయం కాదు. చాలా డబ్బు అవుతుంది. అంత డబ్బు పెట్టి దీవిని కొనుగోలు చేయడమే కాకుండా.. ఆ దీవికి ఏకంగా దేశం హోదాను తీసుకురావడం కోసం అన్ని ఏర్పాట్లు చేసుకున్నాడు అంటే అర్ధం చేసుకోవచ్చు… నిత్యానందుడు ఎంత పగడ్బందీగా ప్లాన్ చేసుకున్నాడో.

కైలాస దేశానికీ సంబంధించిన ఫ్లాగ్, దేశ చిహ్నాలు, దేశానికీ సంబంధించిన కార్యాలయాలు, ప్రధాన మంత్రి, ఇతర మంత్రులు, ఒక దేశానికీ సంబంధించిన పాస్ పోర్ట్ అన్నింటిని ఏర్పాటు చేసుకున్నారు. దేశం హోదాను దక్కించుకోవడానికి అన్ని రకాల చర్యలు తీసుకున్నారు.

పెద్దపెద్ద వాళ్ళ సహకారం లేకుండా నిత్యానంద ఇలా చేయగలడా… దీని వెనుకాల చాలామంది పెద్దమనుషుల హస్తం ఉండే ఉంటుంది. ఇప్పుడు అందరి చూపులు కైలాస దేశం వైపే ఉన్నాయి. ఆ దేశానికీ ఎలా వెళ్ళాలి.. వీసా ఎలా వస్తుంది.. అక్కడి కరెన్సీ ఏంటి అనే గూగుల్ లో సెర్చ్ చేస్తున్నారు.