నిత్యా మేనన్ ఫెంటాస్టిక్ ఆర్టిస్ట్. అందులో నో డౌట్. ఆమెను హీరోయిన్గా కంటే ఆర్టిస్ట్గా అభిమానించే ఆడియన్స్ ఎక్కువమంది ఉన్నారు. రెగ్యులర్ హీరోయిన్ రోల్స్ కంటే సంథింగ్ స్పెషల్గా ఉండే క్యారెక్టర్స్ నిత్య చేస్తుంటుంది. యాక్టర్గా ప్రూవ్ చేసుకుంది.
ఎంతపెద్ద యాక్టర్ అయినాసరే కొన్ని స్పెషల్ ఫిలిమ్స్, క్యారెక్టర్స్ చేస్తున్నప్పుడు ప్రిపేర్ అవుతారు. ‘బాహుబలి’ కోసం ప్రభాస్, ‘ఆర్ఆర్ఆర్’ కోసం ఎన్టీఆర్, రామ్ చరణ్, ‘దంగల్’ కోసం ఆమిర్ ఖాన్ ప్రిపేర్ అయ్యారు. కొంత ట్రైనింగ్ తీసుకున్నారు. స్పెషల్ ఫిలింకి నిత్యా మేనన్ మాత్రం తనకు ఎటువంటి ప్రిపరేషన్ అవసరం లేదని చెబుతుంది.
తమిళనాడు మాజీ ముఖ్యమంత్రి జయలలితపై మూడు నాలుగు బయోపిక్స్ అనౌన్స్ చేశారు. అందులో ప్రియదర్శిని దర్శకత్వంలో జయలలితగా నిత్యా మేనన్ యాక్ట్ చేయనున్న బయోపిక్ ‘అమ్మ’ ఒకటి. నెక్స్ట్ ఇయర్ షూటింగ్ స్టార్ట్ చేయాలని ప్లాన్ చేస్తున్నారు. ఈ సినిమా కోసం తాను స్పెషల్ గా ప్రిపేర్ కావాలసిన అవసరం లేదని నిత్యా మేనన్ చెబుతుంది. “నాకు తమిళం వచ్చు. భరతనాట్యం కూడా వచ్చు. ప్రిపరేషన్ ఎందుకు?” అని ఎదురు ప్రశ్నిస్తుంది. నిత్యా మేనన్ది కాన్ఫిడెన్సా? ఓవర్ కాన్ఫిడెన్సా? అనేది తమిళులకు అర్థం కావడం లేదు.
ప్రజలు అందరికీ తెలిసిన విషయాలు మాత్రమే కాకుండా, జయలలిత వ్యక్తిగత విషయాలు చాలా ‘అమ్మ’లో ఉంటాయని నిత్యా మేనన్ చెప్పింది. ఈ సినిమాకు ప్రొడక్షన్ వర్క్ కంటే ప్రీ ప్రొడక్షన్ వర్క్ ఎక్కువ అని, అందుకని సినిమా అనౌన్స్ చేసినా షూటింగ్ స్టార్ట్ చేయలేదని ఆమె తెలిపింది.