‘తొలిప్రేమ’, ‘మిస్టర్ మజ్ను’ చిత్రాల తర్వాత వెంకీ అట్లూరి దర్శకత్వం వహించిన మూడో చిత్రం ‘రంగ్ దే’. నితిన్, కీర్తి సురేష్ జంటగా నటించిన ఈ ఫ్యామిలీ ఎంటర్టైనర్ను సితార ఎంటర్టైన్మెంట్స్ పతాకంపై సూర్యదేవర నాగవంశీ నిర్మించారు. మార్చి 26న ఈ చిత్రం గ్రాండ్గా రిలీజవుతోంది. ఈ సందర్భంగా ‘రంగ్ దే’ సినిమా గురించి డైరెక్టర్ వెంకీ అట్లూరి చెప్పిన ఇంటర్వ్యూ విశేషాలు..
‘రంగ్ దే’ ఆలోచన ఎలా పుట్టింది మరియు కథ ఏంటి?
‘మిస్టర్ మజ్ను’ తర్వాత పక్కింటి అబ్బాయి, పక్కింటి అమ్మాయి తరహా పాత్రలతో ఒక క్యూట్ ఫ్యామిలీ మూవీ చెయ్యాలనే ఆలోచన వచ్చింది. అలా అనుకున్నప్పుడు అర్జున్, అను పాత్రలు నా మనసులో పుట్టాయి. ఇక కథ అంటే పక్క పక్కనే ఉండే రెండు కుటుంబాల కథ ఇది. సహజంగానే మనం మన ఇంట్లోవాళ్లను పక్కింటివాళ్లతో పోలుస్తుంటాం. దానివల్ల వాళ్ల మధ్య ప్రేమ, ద్వేషం లాంటి ఎమోషన్స్ ఏర్పడుతుంటాయి. అలా పొరుగిళ్లలోని ఓ అబ్బాయి, ఓ అమ్మాయి మధ్య వ్యవహారం పెళ్లిదాకా వస్తే ఎలాంటి పరిస్థితులు ఏర్పడ్డాయనేది ఆసక్తికరంగా చిత్రీకరించాం. ఈ మూవీలో ఇటు కడుపుబ్బ నవ్వించే హాస్య సన్నివేశాలతో పాటు, మనసుని తట్టే భావోద్వేగ సన్నివేశాలూ ఉంటాయి.
‘రంగ్ దే’ అనే టైటిల్ పెట్టడం వెనుక ఏదైనా ప్రత్యేక కారణం ఉందా?
ఇంద్రధనస్సులోని ఏడు రంగుల్లో ఒక్కొక్కటి ఒక్కో ఎమోషన్కు ప్రాతినిధ్యం వహిస్తుందని చెబుతుంటారు. అలాగే ఈ సినిమా కథలో రకరకాల భావోద్వేగాలు ఉంటాయి. అందుకే ‘రంగ్ దే’ అనే టైటిల్ పెట్టాం. చివరి 35 నుంచి 40 నిమిషాల సినిమా నిజంగా ఎమోషనల్గా నడుస్తుంది.
హీరోగా మీ మొదటి ఛాయిస్ నితిన్ యేనా?
నిజానికి నేను ఈ కథ రాసుకున్న తర్వాత మొదట నితిన్ను కాకుండా వేరే హీరోలను అనుకున్నాను. ఈ సినిమా చేయడానికి సితార ఎంటర్టైన్మెంట్స్ ముందుకు వచ్చాక, నితిన్ పేరును నిర్మాత నాగవంశీ సూచించారు. నితిన్ ఒప్పుకుంటాడో, లేదోననే సందేహంతోనే నేను కథ చెప్పాను. తను సింగిల్ సిట్టింగ్లోనే ఓకే చేయడంతో నమ్మలేకపోయాను. కథను ఆయన అంతగా నమ్మాడు.
‘మహానటి’ తర్వాత కీర్తి వరుసగా లేడీ ఓరియెంటెడ్ సినిమాలు చేశారు. ఈ రోల్తో ఆమెకు ఎలాంటి పేరు వస్తుందనుకుంటున్నారు?
‘మహానటి’ ఒక లెజండరీ ఫిల్మ్. నేను ఈ సినిమా కోసం సంప్రదించినప్పటికి కీర్తి, మిస్ ఇండియా, పెంగ్విన్, గుడ్లక్ సఖి సినిమాలు రాలేదు. మహానటి వచ్చాక కీర్తిని ఆ సినిమా ఫేమ్ గానే చెప్తున్నారు కానీ, దానికంటే ముందు ఆమె మంచి మంచి రోల్స్ చాలా బాగా చేసింది. ఈ సినిమాలో అను పాత్ర ఆమెకు మంచి పేరు తెస్తుందని నమ్ముతున్నాను.
నితిన్, కీర్తి సురేష్లతో సెట్స్ మీద పనిచేసిన అనుభవం ఎలాంటిది?
నితిన్ నాకు పదిహేనేళ్లుగా పరిచయం. అందువల్ల నాకు తనతో సెట్స్ మీద చాలా సౌకర్యంగా అనిపించింది. కీర్తి విషయానికి వస్తే, ఆమె వెనుక ‘మహానటి’ తో వచ్చిన పెద్ద పేరుంది. ఆమెతో ఎలా ఉంటుందో అనుకున్నాను. కానీ రెండో రోజు నుంచే చాలా కంఫర్ట్ అట్మాస్పియర్ను క్రియేట్ చేసింది. అలా ఆ ఇద్దరితో చాలా సౌకర్యంగా ఈ సినిమా చేశాను. చెప్పాలంటే నా కంటే నితిన్, కీర్తిలు ఎక్కువగా ఈ కథను నమ్మడంతో వాళ్ల పాత్రలతో మరింత బాగా ప్రయోగాలు చేయవచ్చనిపించింది. ట్రైలర్ రిలీజ్ చేశాక నా సినిమాలకు ఎప్పుడూ రానంత పాజిటివ్ రెస్పాన్స్ వచ్చింది.
పీసీ శ్రీరామ్ లాంటి ప్రఖ్యాత సినిమాటోగ్రాఫర్తో పనిచేశారు కదా.. ఎలా అనిపించింది?
పీసీ శ్రీరామ్ గారితో అయితే కలిసి పనిచేస్తానని నేను కలలో కూడా ఊహించలేదు. ఇండియాలోని టాప్ సినిమాటోగ్రాఫర్ ఆయన. కథ చెప్పగానే ఆయనకు నచ్చింది. అదొక షాక్ నాకు. ఆయనకు ముందుగానే బౌండెడ్ స్క్రిప్ట్ ఇచ్చేయాలి, అదీ ఇంగ్లిష్లో. అది ఇచ్చాక ఆయన తన అసిస్టెంట్లు ఆరేడుగురికి ఇచ్చి, చదవమని చెప్పారు. అలా అందరికీ ఆ స్క్రిప్ట్లో ఎప్పుడు ఏ సీన్, ఏ షాట్ వస్తుందో తెలుసు. ఆయన సెట్స్ మీదుంటే ఎవరూ రిలాక్స్ అవడానికి ఛాన్సే ఉండదు, నాతో సహా. ఆయన వల్లే 64 రోజుల్లో సినిమాని పూర్తి చేశాం. ఒక దర్శకుడ్ని అయివుండి కూడా ఆయన దగ్గర నేను చాలా నేర్చుకున్నా.
దేవి శ్రీప్రసాద్, శ్రీమణితో పనిచేసిన అనుభవం ఎలా ఉంది?
దేవి శ్రీప్రసాద్ ఈ సినిమాకు ఏం కావాలో అది ఇచ్చారు. ఆయనిచ్చిన సాంగ్స్ ఒకెత్తు అయితే, రీరికార్డింగ్ ఇంకో ఎత్తు. ఈ సినిమాకు పాటలూ, బ్యాగ్రౌండ్ స్కోర్ ప్లస్ అవుతాయి. ఇక శ్రీమణి అయితే ఈ సినిమాతో కలిపి నాకు 18 పాటలు రాసిచ్చాడు. వదులుకోవాలన్నా మేం ఇద్దరం ఒకర్నొకరం వదులుకోలేం.
సితార ఎంటర్టైన్మెంట్ బ్యానర్ గురించి ఏం చెబుతారు?
నిర్మాణ విలువల విషయంలో సితార ఎంటర్టైన్మెంట్స్ ఏ రోజూ రాజీ పడలేదు. ఉదాహరణకి మేం ఇటలీలో షూటింగ్ ప్లాన్ చేసినప్పుడు అక్కడ లాక్డౌన్ అన్నారు. ఇక ఇండియాలోనే షూటింగ్ చేసేద్దామనుకున్నా. కానీ నాగవంశీ అలా కాదని దుబాయ్లో ప్లాన్ చేయించారు. కథలోనూ దానికి తగ్గట్లుగా బ్యాక్డ్రాప్ మార్చాం. ఈ సినిమా కోసం ఖర్చు పెట్టినదంతా మీకు తెరమీద కనిపిస్తుంది.
మీ తర్వాత సినిమా ఏంటి?
సితార ఎంటర్టైన్మెంట్స్, దిల్ రాజు బ్యానర్ కలిసి నా తదుపరి చిత్రాన్ని నిర్మించబోతున్నాయి. అది లవ్ స్టోరీ కాదు. వేరే తరహా సినిమా. ఇంతకంటే ఎక్కువ విషయాలు దాని గురించి చెప్పలేను.
492760 436770you could have a fantastic weblog here! would you wish to make some invite posts on my weblog? 918974
1190 799008An interesting discussion is worth comment. I feel that you need to write much more on this matter, it may possibly not be a taboo topic but usually individuals are not enough to speak on such topics. Towards the next. Cheers 555815
914770 733822When I originally commented I clicked the -Notify me when new surveys are added- checkbox and from now on whenever a comment is added I purchase four emails sticking with exactly the same comment. Perhaps there is by any means you might get rid of me from that service? Thanks! 994
356783 649437I truly enjoy examining on this website , it has good content material . 604977
541169 624080What is your most noted accomplishment. They may possibly want very good listeners rather than very good talkers. 361792