ఏపీలో లిక్కర్ స్కాంపై దర్యాప్తు మరింత వేగం పుంజుకుంది. సిట్ అధికారులు తిరుగులేని సాక్ష్యాలు సేకరించారు. మొన్న హైదరాబాద్లోని ఒక ఫార్మ్ హౌస్లో నోట్ల కట్టల గుట్టలు బయటపెట్టిన సిట్, ఇప్పుడు నిందితులు డబ్బులతో ఉన్న వీడియోలను కూడా బయటకు తీసింది.
నిందితుల సెల్ఫోన్లలో డిలీట్ చేసిన వీడియోలను టెక్నాలజీ సహాయంతో రికవర్ చేశారు. ఎన్క్రిప్టెడ్ వీడియోలను కూడా సాంకేతిక నిపుణుల సహాయంతో తిరిగి పొందిన సిట్ బృందం, లిక్కర్ స్కాంలో కీలక ఆధారాలను బహిర్గతం చేసింది.
ఈ విజువల్స్తో వైసీపీ నేతలు మరింత ఇరుక్కుపోయిన పరిస్థితి నెలకొంది. ఇప్పుడు ఈ స్కాంలో జగన్ అండ్ టీమ్ పూర్తిగా మూలకు చేరినట్టుగా రాజకీయ వర్గాలు వ్యాఖ్యానిస్తున్నాయి.