NBK-Boyapati: నందమూరి బాలకృష్ణ( Balakrishna), బోయపాటి శీను( Boyapati seenu)నాలుగోసారి జతకట్టేందుకు సిద్ధమవుతున్నారు. వీరిద్దరి కాంబినేషన్ లో వచ్చిన ‘అఖండ( Akhanda)’ బ్లాక్ బస్టర్ విజయం సాధించడంతో ఆ సినిమాకు సీక్వెల్ వస్తుందని ఇదివరకే ప్రకటించారు. అయితే దీనికి సంబంధించి మరో కొత్త న్యూస్ సోషల్ మీడియాలో వైరల్ అవుతోంది. గత మూడు చిత్రాల్లో సోషల్ ఎలిమెంట్స్, మాస్, ఫ్యామిలీ ఎమోషన్స్, యాక్షన్ సీక్వెన్స్ ని చూపించిన బోయపాటి ఈసారి పూర్తిగా రాజకీయ కోణంలోని సినిమా తీయనున్నట్లు తెలుస్తోంది. ఈ నేపథ్యంలో మరో కొత్త చర్చ తెర మీదకు వచ్చింది. బాలయ్య తో తీయబోయే సినిమా ‘అఖండ’ కి సీక్వెల్ కాదని ‘లెజెండ్( Legend)’ కి సీక్వెల్ అని వార్తలు వినిపిస్తున్నాయి.
‘లెజెండ్( Legend)’ సినిమా క్లైమాక్స్ లో బోయపాటి పొలిటికల్ టచ్ ఇచ్చిన విషయం తెలిసిందే. విలన్ ఎమ్మెల్యేలందరినీ కొనేసి అడ్డదారిలో సీఎం అయిపోవాలనే ప్రయత్నానికి బాలకృష్ణ అడ్డుకట్ట వేస్తారు. ఆ సీన్స్ లో బాలయ్య చెప్పిన డైలాగ్స్ కి థియేటర్ లలో చప్పట్ల మోత మోగింది. ఆంధ్రప్రదేశ్ లో 2024 ఎన్నికలను దృష్టిలో ఉంచుకొని ఈ సినిమాని తెరకెక్కించనున్నారట. ఇప్పటికే ఈ సినిమాకి సంబంధించి స్క్రిప్ట్ పనులు కూడా మొదలైపోయినట్లు తెలుస్తోంది. వచ్చే నెల బాలకృష్ణ పుట్టిన రోజు ని పురస్కరించుకొని ఈ సినిమా అఫీషియల్ అనౌన్స్మెంట్ రానున్నట్లు సమాచారం. బాలయ్య ప్రస్తుతం యంగ్ డైరెక్టర్ అనిల్ రావిపూడి( Anil Ravipudi) దర్శకత్వం వహిస్తున్న ‘NBK108’ సినిమాలో నటిస్తున్నారు. ఈ సినిమాలో బాలకృష్ణ పాత్రకి సంబంధించి త్వరలోనే షూటింగ్ పూర్తికానుందట. ఆ తర్వాత బోయపాటి- బాలకృష్ణ సినిమా పట్టాలెక్కనున్నట్లు సమాచారం.