లేడీ సూపర్ స్టార్ నయనతార సినిమాలకు గుడ్ బై చెప్పబోతోందా..? ప్రస్తుతం ఈ టాపిక్ సోషల్ మీడియాలో వైరల్ అయింది. నయన్ తమిళ దర్శకుడు విఘ్నేశ్ శివన్ తో ప్రేమలో ఉన్న విషయం తెలిసిందే. వీరిద్దరికీ నిశ్చితార్ధం కూడా జరిగిందనే వార్తలు వచ్చాయి. ఈనేపథ్యంలో త్వరలో వీరిద్దరూ పెళ్లి చేసుకోబోతున్నారనే వార్తలు వస్తున్నాయి. తన కమిట్ మెంట్స్ పూర్తి చేసి విఘ్నేశ్ ను పెళ్లి చేసుకోవాలని భావిస్తున్నట్టు సమాచారం.
అయితే.. పెళ్లి అనంతరం నయన్ సినిమాలకు గుడ్ బై చెప్పి హౌస్ వైఫ్ గా, ఓన్ ప్రొడక్షన్ చూసుకోవాలని భావిస్తున్నట్టు వార్తలు వస్తున్నాయి. ఇదే నిజమైతే దక్షిణాదిలో ఉన్న నయన్ ఫ్యాన్స్ కు ఇది చేదు వార్తే అని చెప్పాలి. పెళ్లి తర్వాత కూడా నటిస్తే తమ అభిమాన హీరోయిన్ ను తెరపై చూసుకోవాలనేది ఆమె అభిమానుల ఆశ. మరి.. ఈ వార్తల్లో నిజమెంతో.. నిజంగానే నయన్ సినిమాలకు గుడ్ బై చెప్తుందా.. నయన్ క్లారిటీ ఇవ్వాల్సిందే..!