Nayanthara: సినిమాల్లో కొందరు హీరోయిన్లు తొలి సినిమాతోనే అందంగా ఉన్నారని అనిపించుకోలేరు. మేని ఛాయతో మెరిసిపోని వారు కూడా అందానికే అందంగా మారతారు. అలా బబ్లీ గర్ల్ గా సినిమాల్లోకి వచ్చి లేడీ సూపర్ స్టార్ రేంజ్ సాధించిన హీరోయిన్ నయనతార (Nayanthara). బొద్దుగుమ్మగా సినిమాల్లోకి వచ్చి 20ఏళ్లు పూర్తయ్యాయి కూడా. నేటికి ఆమె అందం ఫిదా చేస్తూనే ఉంటుంది. సినిమా సినిమాకీ అమె అందం పెరిగిందే కానీ.. తగ్గిందని నిరూపించే సినిమా లేదనే చెప్పాలి.
బొద్దుగా వచ్చి అప్పటి యూత్ కలలరాణిగా మారిపోయింది నయన్. ముద్దుగుమ్మ బొద్దుగున్నా అందమే అని నిరూపించిన సినిమాలెన్నో. నాజూగు అందాలతో నిత్యం పోటీ ఉండే పరిశ్రమలో ఎప్పుడూ అలానే ఉంటే కుదరదా కదా. అందుకే.. బొద్దుగుమ్మ చిక్కినా అందమే అని నిరూపించింది. వర్కౌట్లు, ఫుడ్ డైట్లతో నాజూకు శరీర సౌష్టవంతో తన అందాన్ని మరింత పెంచుకుంది. దక్షిణాది కుర్రకారు నయనతార అంటే వెర్రెక్కిపోయే అందం సొంతం చేసుకుంది.
నడిచినా.. నర్తించినా.. నటించినా.. నయనతారలో అందమే. సెక్సీ స్టిల్ ఇచ్చినా.. వయ్యారంగా ఫోజ్ ఇచ్చినా.. కైపెక్కించే కళ్లతో ఓరగా చూసే నయనతారను ఎలా మరచిపోతారు. స్విమ్మింగ్ పూల్ వాక్ చేస్తే వెర్రెక్కిపోయారు. హోటల్ లిఫ్టులో షర్టుతో కనిపించినా కైపెక్కిపోయారు. టైట్ ఫిట్ లో చూసి మత్తెక్కిపోయారు. మొత్తంగా నయనతార అందం రెండు దశాబ్దాలుగా హొయలు పోతూనే ఉంది. కళ్లతో మత్తెక్కించే నయన్ అంటే నేటి తరం కూడా దాసులే.
ఇప్పుడు సినిమా స్టిల్స్ లేవు. గ్లామర్ పిక్స్ లేవు. ఓ ఈవెంట్ కి వెళ్తే చీరలో మెరిసిపోతుంది. స్కిన్ కేర్ ప్రొడక్ట్స్ కి నార్మల్ ఫొటోషూట్ చేస్తే అందులోనే మత్తెక్కే అందం. నలభైల్లో కూడా ఆమె చూపులకి ఫిదా కావాల్సిందే. నవ్వితే గాల్లో తేలిపోవాల్సిందే. ఫొటోలు బ్లాక్ అండ్ వైట్ లో వదిలినా మెలికలు తిరగాల్సిందే. పెళ్లై, పిల్లలున్నా సినిమాలూ తగ్గలేదు.. ఆమె అందమూ తగ్గలేదు.. అభిమానమూ పోలేదు. అదే అందాల నయనతార అంటే.