సోషల్ మీడియా వేదికగా, పులివెందుల ఎమ్మెల్యే వైఎస్ జగన్ మోహన్ రెడ్డి చేసిన ఆరోపణలకు కౌంటర్ ఇచ్చే క్రమంలో ‘అర్థమయ్యిందా రాజా’ అంటూ నారా లోకేష్ చేసిన ట్వీట్ వైరల్ అవుతోంది.
రాష్ట్రంలో శాంతి భద్రతలకు విఘాతం కలుగుతోందంటూ, కూటమి ప్రభుత్వంపై తీవ్ర ఆరోపణలు చేశారు వైసీపీ అధినేత వైఎస్ జగన్ మోహన్ రెడ్డి ‘ఎక్స్’ (ట్విట్టర్) వేదికగా. సాక్షి ఛానల్లో అమరావతి మహిళలపై నడిచిన జుగుప్సాకరమైన వ్యాఖ్యల ప్రసహనం, ఈ క్రమంలో జర్నలిస్టు కొమ్మినేని శ్రీనివాస్ అరెస్ట్ తెలిసిన విషయాలే.
తమ ఉద్యోగినే అరెస్టు చేస్తారా.? అంటూ, వైసీపీ తీవ్ర స్థాయిలో మండిపడుతోంది.. జరిగిన ‘నేరాన్ని’ కప్పిపుచ్చుతూ. రాష్ట్ర రాజధాని అమరావతిపై వైసీపీ అక్కసు ఈనాటిది కాదు. గతంలోనూ వైసీపీ నేతలు అత్యంత జుగుప్సాకరమైన వ్యాఖ్యలు చేశారు అమరావతిపైన.
ఇక, జగన్ తన ట్వీటులో నారా లోకేష్కి సంబంధించిన ఓ వీడియో పోస్ట్ చేశారు. నారా లోకేష్ మీద కుట్ర పూరితంగా కొందరు నెటిజన్లు తయారు చేసిన వీడియో అది. ముఖ్యమంత్రిగా పని చేసిన జగన్, ఆ వీడియోని తాను పోస్ట్ చేయడం సబబు కాదని తెలుసుకోలేకపోయారు.
ఇక, ఈ వ్యవహారంపై నారా లోకేష్ మండిపడ్డారు ట్విట్టర్ వేదికగా. ‘నాకు క్లాస్ మేట్స్ వుంటారు.. నీకు జైల్ మేట్స్ వుంటారు. మహిళల్ని గౌరవిస్తూ నేను పెరిగాను.. తల్లినీ, చెల్లినీ ఇంట్లోంచి గెంటేసి, వారిని కోర్టుకు లాగావు నువ్వు..’ అంటూ లోకేష్ తన ట్వీటులో పేర్కొన్నారు.
‘నీ ఐదేళ్ళ చీకటి పాలనలో దళితులపైనా, మహిళలపైనా అనేక అఘాయిత్యాలు జరిగాయి.. రాజకీయ ప్రత్యర్థులపై కుట్రపూరితంగా కేసులు పెట్టి, జైలుకు పంపించిన ఘనత నీది..’ అంటూ లోకేష్ ట్వీటాస్త్రం సంధించారు.
వైఎస్ జగన్ మోహన్ రెడ్డి ట్వీటుని కోట్ చేస్తూ నారా లోకేష్ వేసిన ట్వీట్ ఇప్పుడు వైరల్ అవుతోంది. ‘క్లాస్ మేట్స్ – జైల్ మేట్స్’, ‘అర్థమయ్యిందా రాజా’ తదితర డైలాగులు ట్రెండ్ అవుతున్నాయి.
Hello @ysjagan Garu! I can only laugh at your hypocrisy. I had a college life, you had a jail life. I had classmates, you had jail mates.
Artham Ayyinda Raja?
I was raised to respect women—you drove your own mother and sister out, dragged them to court, and let your media and… https://t.co/hNHRzRxCnA pic.twitter.com/fxk5qf4DeH
— Lokesh Nara (@naralokesh) June 10, 2025