స్క్రిప్టు ఫాలో అవుతున్నారా.? లేదంటే, నిజంగానే నారా లోకేష్ రాజకీయ నాయకుడిగా తనలోని ‘పవర్ ఫుల్’ యాంగిల్ చూపిస్తున్నారా.? అన్న విషయాన్ని పక్కన పెడితే, ఈ మధ్య టీడీపీ జాతీయ ప్రధాన కార్యదర్శిలో కొత్త మార్పు అయితే కనిపిస్తోంది. ఈ మార్పు టీడీపీకి రాజకీయంగా ఉపయోగపడుతుందా.? లేదా.? అన్నది మళ్ళీ వేరే చర్చ. కానీ, అధికార పార్టీకి మాత్రం కంటి మీద కునుకు లేకుండా చేస్తున్నాయి నారా లోకేష్ విమర్శలు.
‘ఇక్కడో కుక్క మొరుగుతోంది..’ అని నారా లోకేష్ విమర్శించగానే, అందుకు తగ్గట్టుగానే అధికార పార్టీకి చెందిన ముఖ్య నేతలు.. అక్కడికేదో నారా లోకేష్ తమనే ‘కుక్క’ అని సంబోదించాడన్నట్టు భుజాలు తరిమేసుకున్నాయి. ‘‘అదిగో వచ్చేశారు.. తమ స్థాయి మర్చి.. ఆ ‘పొగడ్త’ మన గురించే అన్నట్టు వైసీపీ నేతలు అత్యుత్సాహం చూపారు..’’ అంటూ టీడీపీ శ్రేణులు సోషల్ మీడియాలో ఎగతాలిగా పోస్టులు పెట్టడం చూశాం.
ఇక, తాజాగా నారా లోకేష్.. ఇటీవల ముఖ్యమంత్రి మీద చేసిన వ్యాఖ్యలపై వివరణ ఇచ్చారు. తమ పార్టీ కార్యకర్తలు దారుణ హత్యకు గురైతే ఆవేశం తట్టుకోలేక అలా మాట్లాడాను తప్ప, గతంలో వైఎస్ జగన్ మాట్లాడినట్లుగా ‘ముఖ్యమంత్రిని నడిరోడ్డు మీద కాల్చేయాలి..’ అని తాను అనలేదంటూ వివరణ ఇచ్చారు. దాంతో, విషయం మరోమారు అధికార పార్టీని ఇరకాటంలో పడేసింది. ప్రతిపక్షంలో వుంటే ఏమైనా అనొచ్చు.. అన్నట్టు తయారైంది ఇటీవలి కాలంలో రాజకీయ నాయకుల తీరు. ఇందుకు ఏ పార్టీ కూడా అతీతం కాదు.
గతంలో వైఎస్ జగన్ కూడా తన స్థాయిని మరచి, అప్పటి ముఖ్యమంత్రి మీద విరుచుకుపడిపోయారు. ఇప్పుడు అదే పని నారా లోకేష్ చేస్తున్నారంతే. కానీ, గింజుకోవడం ఏదైతే వుందో.. అది అప్పటి టీడీపీ కంటే ఇప్పుడు వైసీపీ.. పదింతల స్థాయిలో గింజుకుంటోందన్నమాట.
61309 141562I gotta bookmark this web site it seems quite beneficial . 329653
550874 394155Maintain all the articles coming. I enjoy reading by way of your things. Cheers. 67809