నందమూరి బాలకృష్ణ ఎనర్జీ ఎలా ఉంటుందో అందరికీ తెలిసిందే. ఆయన చేసే డ్యాన్స్ లు, ఆయన చేసే ఫైట్లు ఆయనతోటి హీరోలు అంత ఎనర్జీతో చేయడం కష్టం. అయితే బాలయ్యకు ఉన్న ఎనర్జీ ఆయన కూతురు నారా బ్రాహ్మణికి కూడా వచ్చింది. నారా వారి కోడలుగా ఆమె ఎలాంటి బాధ్యతలు చేపట్టిందో ప్రత్యేకించి చెప్పక్కర్లేదు. అటు తన కుటుంబాన్ని చూసుకుంటూనే, హెరిటేజ్ ఫుడ్స్ కి ఎగ్జిక్యూటివ్ డైరెక్టర్ గా కూడా ఆమె వ్యవహరిస్తోంది.
ఇంత బిజీగా ఉన్నా, తనకు ఏది నచ్చితే అది చేయడం బ్రాహ్మణికి హాబీ అని చెబుతుంది. తాజాగా ఆమె అత్యంత కష్టమైన లేహ్-లడాఖ్ బైక్ రైడింగ్ ట్రెక్ లో పాల్గొంది. మగవారు ఈ బైక్ రైడింగ్ ట్రెక్ కోసం వినియోగించే బరువైన జావా యజ్జి స్పోర్ట్స్ బైక్ ను ఆమె సునాయాసంగా నడిపి అందరినీ ఆశ్చర్యానికి గురిచేసింది. బ్రాహ్మణి ఓ ప్రొఫెషనల్ బైక్ రైడింగ్ గ్రూపులో మెంబర్ గా ఉంది.
ఇలా తనకు ఎంతో ఇష్టమైన బైక్ రైడింగ్ ను కూడా ఆమె ఇంత ఈజీగా చేస్తుండటం, దీనికి సంబంధించిన వీడియో ప్రస్తుతం నెట్టింట వైరల్ గా మారింది. దీంతో బాలయ్యలోని ఎనర్జీ బ్రాహ్మణికి అబ్బిందని నందమూరి వీరాభిమానులు కామెంట్లు చేస్తున్నారు. బ్రాహ్మణిలో ఈ ట్యాలెంట్ కూడా ఉందా అంటూ నెటిజన్లు సోషల్ మీడియాలో కామెంట్లు చేస్తున్నారు.
19362 472113Really good design and great content material , nothing else we want : D. 254049