ఓవర్సీస్లో నాని సినిమాలకి స్పెషల్ క్రేజ్ కనిపిస్తుంటుంది. నాని సినిమాలంటే అది క్లాస్ సినిమానా.? మాస్ సినిమానా.? అన్న లెక్కలుండవ్. ఎందుకంటే, నాని నేచురల్ స్టార్. అతని సినిమాల్లో సహజత్వం కనిపిస్తుంది. అదే అతన్ని నేచురల్ స్టార్గా మార్చింది. తెలుగు రాష్ట్రాల్లో నానికి వున్న క్రేజ్ గురించి కొత్తగా చెప్పేదేముంది.? ఓవర్సీస్లోనూ నానికి మంచి క్రేజ్ వుంది. ఆ క్రేజ్ సినిమా సినిమాకీ పెరుగుతోందే తప్ప తగ్గడంలేదు.
తాజాగా మరోమారు ఓవర్సీస్ బాక్సాఫీస్పై తనదైన ముద్ర వేసేందుకు నాని సిద్ధమవుతున్నాడు తన తాజా చిత్రం ‘గ్యాంగ్ లీడర్’తో. నిజానికి ఈ సినిమాలో గ్లామర్ లేదు. మొత్తంగా సినిమా అంతా నాని భుజాల మీదనే వుంది. ‘ఆర్ఎక్స్ 100’ ఫేమ్ కార్తికేయ ఈ సినిమాలో నెగెటివ్ రోల్లో కన్పించనుండడం ఖచ్చితంగా ఓ విశేషమే. అయినాసరే, ఓన్లీ నాని.. అనేంతలా సినిమాపై క్రేజ్ బిల్డప్ అయ్యింది.
Also Read: మెగాస్టార్ చిరంజీవితో గ్యాంగ్ లీడర్ మల్టీ స్టారర్.!
తెలుగు రాష్ట్రాల్లో భారీ స్థాయిలో ‘గ్యాంగ్ లీడర్’ని విడుదల చేస్తున్నారు. ఓవర్సీస్లో కూడా ఇప్పటిదాకా నాని కెరీర్లో ఏ సినిమాకీ లేనంత గ్రాండ్ స్కేల్లో రిలీజ్ చేస్తుండడం గమనార్హం. రిలీజ్ అవుతున్న అన్ని చోట్లా అడ్వాన్స్ బుకింగ్లు చాలా ఫాస్ట్గా జరుగుతున్నట్లు రిపోర్ట్స్ వస్తున్నాయి. ప్రీమియర్స్తో నాని సరికొత్త సంచలనాలు సృష్టించబోతున్నాడని ఓవర్సీస్ ట్రేడ్ పండిట్స్ అంచనా వేస్తున్నారు.
నానికి సహజంగా అక్కడ వున్న క్రేజ్తోపాటు, దర్శకుడు విక్రమ్ కుమార్ ఈ సినిమాపై ఓవర్సీస్లో హైప్ క్రియేట్ అవడానికి యాడెడ్ అడ్వాంటేజ్ అయ్యాడని చెప్పొచ్చు. రొటీన్కి భిన్నంగా విక్రమ్ కుమార్ సినిమాలు వుంటాయి. ‘గ్యాంగ్ లీడర్’ ప్రోమోస్తోనే చాలామందికి విక్రమ్ కుమార్ ఈ సినిమాతో మరో మ్యాజిక్ చేయబోతున్నాడనే ఖచ్చితమైన అభిప్రాయం ఏర్పడింది.
యూఎస్తోపాటు కెనడాలోనూ ‘గ్యాంగ్ లీడర్’కి గ్రాండ్ వెల్కమ్ చెప్పేందుకు నేచురల్ స్టార్ నాని అభిమానులు భారీ స్థాయిలో ఏర్పాట్లు చేస్తుండడం గమనార్హం. ఇటీవల ‘జెర్సీ’తో మంచి విజయాన్ని అందుకున్న నాని, ఈసారి ‘గ్యాంగ్ లీడర్’గా 50 కోట్ల క్లబ్లోకి చేరతాడా.? ప్రీ రిలీజ్ అంచనాలైతే అలాగే కన్పిస్తున్నాయ్ మరి.!