మెగాస్టార్ చిరంజీవి కెరీర్లో టాప్ టెన్ సినిమాల లిస్ట్ తీస్తే, అందులో ఖచ్చితంగా ‘గ్యాంగ్ లీడర్’ పేరు వుంటుంది. చిరంజీవిని మాస్ ఆడియన్స్కి మరింత దగ్గర చేసిన సినిమా అది. ఆ ‘గ్యాంగ్ లీడర్’ టైటిల్తో నాని ఇప్పుడు ‘నానీస్ గ్యాంగ్ లీడర్’ అంటూ ప్రేక్షకుల ముందుకొచ్చేస్తున్నాడు. కొన్ని అనివార్య కారణాలతో ‘గ్యాంగ్ లీడర్’ ఒరిజినల్ టైటిల్, నాని సినిమాకి దక్కలేదు. చిత్రమేంటంంటే, మెగాస్టార్ చిరంజీవి అభిమాని ఒకరు ‘గ్యాంగ్ లీడర్’ పేరుతో ఓ సినిమాని తెరకెక్కిస్తుండడం. ఈ టైటిల్ విషయమై చాలా రచ్చ జరిగింది.
మరోపక్క, ‘గ్యాంగ్ లీడర్’ లాంటి సూపర్ హిట్ సినిమా టైటిల్ని, ఓ సాధారణ సినిమాకి ఎలా పెడతారు.? అంటూ మెగా అభిమానులు నానిపై టైటిల్ అనౌన్స్మెంట్ రోజునే విరుచుకుపడిపోయారు. అయితే, ఆ తర్వాత కూల్ అయ్యారనుకోండి.. అది వేరే విషయం. చిరంజీవి పుట్టినరోజు సందర్భంగా, ఒకప్పటి చిరంజీవి లుక్లో కన్పించేలా నానితో ఓ లుక్ డిజైన్ చేయించి, సోషల్ మీడియాకి వదిలారు ‘నానీస్ గ్యాంగ్ లీడర్’ నిర్మాతలు.
Also Read: కాపీ ‘గ్యాంగ్ లీడర్’.. అంత కోపమైతే ఎలా నానీ.?
ఆ సంగతి పక్కన పెడితే, చిరంజీవితో మల్టీస్టారర్ చేయాలన్నది తన డ్రీమ్ అని నాని తాజాగా ఓ ఇంటర్వ్యూలో చెప్పాడు. ఆల్రెడీ అక్కినేని నాగార్జునతో నాని ‘దేవదాసు’ సినిమాలో కలిసి నటించిన విషయం విదితమే. డ్రీమ్ మల్టీస్టారర్ అంటే చిరంజీవితోనేనని నాని స్పష్టం చేశాడు. ఇదిలా వుంటే, ఒకప్పుడు చిరంజీవి సినిమాలు చూసేందుకు తాను క్యూ లైన్లలో నిలబడి పడ్డ పాట్లు గురించి ఓ సందర్భంలో నాని చెప్పడం, సినిమా చూసే అత్యుత్సాహంలో సైకిల్ని పోగొట్టుకున్నానని నాని స్వయంగా చిరంజీవి ముందే వివరించడం, దానికి కాంపెన్సేషన్గా చిరంజీవి, ‘మీలో ఎవరు కోటీశ్వరుడ’ టైమ్లో నానికి కొత్త సైకిల్ కొనివ్వడం తెలిసిన సంగతులే.
కాగా, ‘నానీస్ గ్యాంగ్ లీడర్’ ఈ నెల 13న ప్రేక్షకుల ముందుకు రాబోతోంది. తెలుగు రాష్ట్రాల్లో నానికి వున్న క్రేజ్ సంగతి కొత్తగా చెప్పేదేముంది. ఓవర్సీస్లోనూ సినిమా పట్ల క్లీన్ బజ్ కన్పిస్తోంది. ఓవర్సీస్లో నాని తొలి రోజు వసూళ్ళ పరంగా తన కెరీర్లో సరికొత్త రికార్డులు సృష్టించడం ఖాయమని ట్రేడ్ పండితులు అంచనా వేస్తున్నారు.