Naga Vamsi: యంగ్ టైగర్ ఎన్టీఆర్-త్రివిక్రమ్ కాంబోలో ఓ సినిమా తెరకెక్కనుందా..? సోషల్ మీడియాలో బాగా వైరల్ అవుతున్న న్యూస్. అయితే.. నిర్మాత నాగవంశీ చేసిన పోస్టు దీనికి బలాన్నిస్తోంది. ‘కర్తికేయో మహాసేన శ్శరజన్మా షడాననః పార్వతీనన్దనః స్కంద స్సేనానీ రగ్నిభూ ర్గుహః’ అంటూ ప్రస్తుతం ఆయన చేసిన పోస్ట్ నెట్టింట వైరల్ అవుతోంది.
‘అత్యంత శక్తివంతమైన దేవుడిగా నాకు అత్యంత ఇష్టమైన అన్న’ అంటూ ఆయన ఇచ్చిన క్యాప్షన్ కూడా ఇచ్చారు. ఎన్టీఆర్ ను నాగవంశీ ఎప్పుడూ అన్న అనే అంటారు. దీంతో ఎన్టీఆర్ తో త్రివిక్రమ్ సినిమా చేస్తున్నారంటూ వార్తలు వైరల్ అయ్యాయి. మరోవైపు ఎన్టీఆర్ అభిమానులు దీనిపై సంతోషం వ్యక్తం చేస్తున్నారు.
అల్లు అర్జున్ హీరోగా త్రివిక్రమ్ సినిమా చేస్తారనే గతంలో వార్తలు వచ్చాయి. ఇప్పుడీ సినిమా ఎన్టీఆర్ కు చేరిందని తెలుస్తోంది. సుబ్రహ్మణ్యస్వామి ఇతివృత్తంతో ఈ సినిమా తెరకెక్కనుందని.. సుబ్రహ్మణ్యస్వామిగా ఎన్టీఆర్ ను ఏఐలో రూపొందించిన ఫొటోలు ఫ్యాన్స్ షేర్ చేస్తున్నారు. దీనిపై అధికారిక ప్రకటన రావాల్సి ఉంది.