టాలీవుడ్ లో దర్శకుడు శేఖర్ కమ్ముల అంటే ఎలాంటి క్రేజ్ ఉందొ .. అందరికి తెలుసు. ఈ మద్యే ఫిదా సినిమాతో సంచలన విజయాన్ని అందుకున్న శేఖర్ కమ్ముల ఆ తరువాత నాగ చైతన్య తో ఓ సినిమా చేస్తున్నాడు. ఇప్పటికే శరవేగంగా షూటింగ్ జరుపుకుంటున్న ఈ సినిమా టైటిల్ పై సర్వత్రా ఆసక్తి నెలకొంది.
తన సినిమాలకు భిన్నమైన టైటిల్స్ పెట్టె శేఖర్ కమ్ముల ఈ సినిమాకు ఎలాంటి పేరు పెడతాడో అన్న ఆసక్తి అక్కినేని ఫాన్స్ లో నెలకొంది. అయితే తాజాగా ఈ సినిమాకు పెట్టె టైటిల్ ఇదేనంటూ జోరుగా ప్రచారం జరుగుతుంది. శేఖర్ కమ్ముల స్టైల్ లోనే అది సింపుల్ గా ఉండడం విశేషం. ఇంతకీ ఆ టైటిల్ ఏమిటో తెలుసా .. లవ్ స్టోరీ ? ఈ టైటిల్ నే శేఖర్ కమ్ముల ఫిక్స్ చేసాడని సమాచారం.
సో త్వరలోనే ఈ టైటిల్ తో కూడిన ఫస్ట్ లుక్ ని విడుదల చేస్తారట. హ్యాపీ డేస్, లైఫ్ ఈజ్ బ్యూటిఫుల్, లీడర్, ఫిదా ఇలా బిన్నంగా క్లాస్ టైటిల్స్ తో సినిమాలు చేస్తున్న శేఖర్ కమ్ముల ఈ సారి లవ్ స్టోరీ అంటూ సింపుల్ టైటిల్ తో వస్తున్నాడు. ఈ సినిమా పై అటు చైతు కూడా భారీ ఆశలు పెట్టుకున్నాడు. మరి శేఖర్ కమ్ముల చైతు తో చెప్పించే లవ్ స్టోరీ ఎలా ఉంటుందో చూడాలి.