అక్కినేని నాగ చైతన్య లేటెస్ట్ గా మజిలీ తో మంచి ఫామ్ లోకి వచ్చాడు. మజిలీ తరువాత సెలెక్టీవ్ గా సినిమాలు చేస్తున్న చైతు తాజగా ఓ హిందీ రీమేక్ కు ఓకే చెప్పేసాడు. ప్రస్తుతం విక్టరీ వెంకటేష్ తో కలిసి వెంకీ మామ సినిమాలో నటిస్తున్నాడు చైతు. కే ఎస్ రవీంద్ర దర్శకత్వంలో తెరకెక్కిన ఈ సినిమా వచ్చే నెలలో విడుదల కానుంది.
ఈ సినిమా తరువాత అయన శేఖర్ కమ్ముల దర్శకత్వంలో మరో సినిమాలో నటిస్తున్నాడు. తాజగా ఈ సినిమా షెడ్యూల్ హైద్రాబాద్ లో మొదలైంది. హిందీలో గత ఏడాది వచ్చి సూపర్ హిట్ అయినా బదాయి హో సినిమాను తెలుగులో రీమేక్ చేయడానికి ప్రముఖ నిర్మాత దిల్ రాజు ప్లాన్ చేస్తున్నాడు. బాలీవుడ్ నిర్మాత బోణి కపూర్ తో కలిసి తెలుగులో ఈ సినిమాను నిర్మిస్తాడట.
ఇప్పటికే ఈ సినిమా గురించి చర్చలు జరిగాయని, ఈ రీమేక్ కోసం చైతు గ్రీన్ సిగ్నల్ ఇచ్చాడట. ఈ చిత్రానికి ఆర్ ఎక్స్ 100 దర్శకుడు అజయ్ భూపతి దర్శకత్వం వహిస్తాడట. సో త్వరలోనే ఈ సినిమాకు సంబందించిన అధికారిక ప్రకటన రానుంది.