ఒక సినిమా ప్రేక్షకుల్లోకి వెళ్లాలంటే పబ్లిసిటీ చాలా అవసరం. అందుకే సాధ్యమైనంతవరకు స్టార్ సెలబ్రిటీస్ తో సినిమాకు సంబంధించిన ప్రమోషనల్ యాక్టివిటీస్ ప్లాన్ చేస్తారు. ఈ క్రమంలోనే ముత్తయ్య సినిమాలోని సాంగ్ ను స్టార్ హీరోయిన్ సమంత చేతుల మీదుగా రిలీజ్ చేశారు.
స్టార్ హీరోయిన్ సమంత చేతుల మీదుగా అవార్డ్ విన్నింగ్ మూవీ ముత్తయ్య సినిమా నుంచి అరవైల పడుసోడు సాంగ్ రిలీజ్ అయ్యింది. సుధాకర్ రెడ్డి, అరుణ్ రాజ్, పూర్ణ చంద్ర, మౌనిక బొమ్మ లీడ్ రోల్ లో నటించిన ముత్తయ్య సినిమాను భాస్కర్ మౌర్య డైరెక్ట్ చేస్తున్నారు. ఈ సినిమాను హైలైఫ్ ఎంటర్టైన్మెంట్ ప్రైవేట్ లిమిటెడ్, ఫిక్షనరీ ఎంటర్టైన్మెంట్ LLP బ్యానర్ లో వంశీ కారుమంచి, వృందా ప్రసాద్ కలిసి ఈ మూవీ నిర్మించారు.
బలగం సినిమాతో పాపులర్ అయిన సుధాకర్ రెడ్డి ఈమధ్యనే బాపు అనే సినిమాతో ప్రేక్షకుల ముందుకు వచ్చారు. త్వరలో ముత్తయ్య అంటూ మరో సినిమాతో వస్తున్నారు. ఈ ముత్తయ్య సినిమాకు దివాకర్ మణి సినిమాటోగ్రఫీ అందించడంతో పాటు మూవీకి సహ నిర్మాతగా కూడా వ్యవహరిస్తున్నారు.
త్వరలో ఈటీవీ విన్ లో ప్రీమియర్ కాబోతున్న. ఈ సినిమాకు కార్తీక్ రోడ్రిగ్వ్ మ్యూజిక్ అందిస్తున్నారు. అరవైల పడుసోడు సాంగ్ ను శివకృష్ణ చారి ఎర్రోజు లిరిక్స్ అందించగా విద్యాసాగర్ బంకుపల్లి ఆలపించారు. సినిమాలోని ఈ సాంగ్ క్యాచీగా ప్రేక్షకులను అలరించేలా ఉంది.